Yəmən prezidenti barədə ziddiyətli xəbərlər yayılıb

SON XƏBƏRLƏR

Yəmən prezidenti barədə ziddiyətli xəbərlər yayılıb

2021.10.20, 07:36

Gunaz.tv

GünAz TV: Yəmən prezidentinin səsi gəli özü görünmədi. Əli Abdulla Saleh xalqa televiziya ilə yox, radio ilə müraciət edib.

Yəmən prezidenti Əli Abdulla Saleh iqamətgahına endirilən artilleriya (topxana) zərbələrindən sonra radio ilə xalqa müraciət edib. O, bildirib ki, hücumdan sağ qurtula bilib və ciddi xəsarət almayıb. Ə.A.Saleh hücuma görə ona qarşı çıxan xaşidlər qəbiləsinin məsuliyyət daşıdığını bildirib. O, qəbilə tərəfdarlarını “bir qrup silahlı quldur” adlandırıb və deyib ki, Yəmən ordusuna bu dəstəni zərərsizləşdirmək üçün əmr verib. Ə.A.Salehin dediyinə görə, qəbilə tərəfdarlarının ölkədə inqilab başladan gənclərə heç bir dəxli yoxdur və onlar hakimiyyəti qanunsuz yolla ələ keçirmək istəyirlər.

Xəbər verildiyi kimi, iyunun 3-də paytaxt Sənada xaşidlər qəbiləsi ilə Salehə sadiq olan ordu qüvvələri arasında gedən döyüşlər zamanı prezident sarayına bir neçə artilleriya zərbəsi endirilib. Nəticədə Saleh yaralanıb, 4 mühafizəçisi həlak olub. Ölkənin baş naziri və parlamentin spikeri (sədri) də yaralanıb. Müxalifət mənbələri Salehin saraydan qaçmaq istəyərkən öldüyünü xəbər veriblər, lakin bu məlumat təsdiq olunmayıb.

Bununla belə Salehin xalqa televiziya ilə deyil, radio ilə müraciət etməsi onun həqiqətən yaralandığını təsdiq edə bilər. Xəbərlərə görə, Saleh başından yüngül qəlpə (mozəi) yarası alıb. Prezident təsdiq edib ki, hücum nəticəsində 7 nəfər ölüb, bir neçə yüksək rütbəli şəxs isə yaralanıb. Ancaq o, özünü yaxşı hiss etdiyini desə də xəsarətinin nədən ibarət olduğunu açıqlamayıb. Hazırda paytaxtda və ölkənin digər iri şəhərlərində müxalifətçilərlə Salehə sadiq olan təhlükəsizlik qüvvələri arasında döyüşlər davam edir. Ölkədə baş verənlər irimiqyaslı vətəndaş müharibəsini xatırladır.

Yəmən hökumətindəki qaynaqdan BBC-yə bildirilib ki, Saleh ölkəni tərk edib. Mənbə Salehin Səudiyyə Ərəbistanına müalicəyə getdiyini deyib. Lakin onun geri dönüb-dönməyəcəyi açıqlanmayıb. Yəmənin baş naziri və hökumətə daxil olan yüksək rütbəli daha 4 məmur prezidentlə birlikdə Səudiyyəyə gedib.

GUNAZ.TV

SON XƏBƏRLƏR