Contact Us

SON XƏBƏRLƏR

Texas ştatı (əyaləti) Xocalı qırğınını tanıdı

2021.10.20, 07:36
Texas ştatı (əyaləti) Xocalı qırğınını tanıdı

Gunaz.tv

GünAz TV: ABŞ-ın (Amerika Birləşmiş Ştatlarının) Texas ştatı (əyalətinin) Ermənistan tərəfindən Xocalıda çox ağır cinayət törədilməsi faktını (həqiqəti) tanıyıb.

 

GünAz TV mətbuat mərkəzinin “AzərTAc” agentliyinə (ajansına) istinadən verdiyi məlumata görə, bu ştatın nümayəndələr palatası (nümayəndələr məclisi) tərəfindən qəbul edilmiş 535 nömrəli qətnamədə Azərbaycanın bu şəhərinin erməni işğalından qaçaraq yaxa qurtarmağa çalışan dinc sakinlərinin Ermənistan silahlı qüvvələri və Rusiya ordusunun hissələri tərəfindən qırğına məruz qalması pislənilir.

Qətnamədə qeyd edilir ki, “Human Rights Watch” təşkilatı bu aksiyanı (əməli) hərbi əməliyyatlar zonasında (zolağında) dinc sakinlərə münasibət haqqında konvensiyanın pozulmasından ibarət cinayət kimi tanıyıb.

 

 Xatırladaq ki, 2010-cu il fevralın 25-də Massaçusets ştatının nümayəndələr palatası Xocalıda qırğın törədilməsi faktının tanınması haqqında qətnamə qəbul edib.

 

 Qeyd etmək lazımdır ki, erməni diasporu ilə müqayisədə Azərbaycan diasporu hələ gəncdir və Azərbaycan icmalarının yaşadığı ölkələrin ictimai həyatına bu diasporun təsiri hələ yenicə qüvvə toplamaqdadır. Lakin bizim diaspor erməni diaspor təşkilatlarının mövqelərinin daha güclü olduğu ölkələrdə və ştatlarda cəsarətlə onlara qarşı “döyüşür”.

 

 Onu da xatırladaq ki, ABŞ-ın və Kanadanın bir sıra ştatları və şəhərləri, o cümlədən Kaliforniya ştatı Qarabağı Azərbaycanın tərkib hissəsi kimi tanıyan qətnamə və proklamasiyalar qəbul ediblər.

SEÇİLMİŞ XƏBƏRLƏR

Çox oxunanlar