Contact Us

SON XƏBƏRLƏR

Azərbaycanın Süni peyki (uydu) erməniləri təşvişə salıb

2021.10.20, 07:36
Azərbaycanın Süni peyki (uydu) erməniləri təşvişə salıb

Gunaz.tv

GünAz TV: Azərbaycan ilk milli süni (məsnui) peykini (mahvarəsini) 2012-ci ilin sonunda orbitə (mədara) çıxardıqdan sonra ikinci rabitə peykini də kosmosa (fəzaya) buraxmağı planlaşdırır.

 

Bu barədə Bakıda USACC-nin (Amerika-Azərbaycan Ticarət Palatası) təşkilatçılığı ilə keçirilən ABŞ (Amerika Birləşmiş Ştatları) və Azərbaycan üçün Biznes İmkanları VII biznes və investisiya (sərmayə yatırmaq) konfransındakı çıxışında rabitə və informasiya texnologiyaları nazirinin müavini Elmir Vəlizadə bildirib.

Bu arada Azərbaycanın orbitə peyk buraxmağa hazırlaşması erməniləri ciddi əndişəyə salıb.

Ermənistanın "Bürakan" rəsədxanasının direktoru Ayk Arutyunyan dünən İrəvanda keçirdiyi məbuat konfransında etiraf edib ki, "Bürakan" Azərbaycan peykinə alternativ heç nə edə bilməz: "Azərbaycan peykinin yaratdığı təhlükə ondan ibarətdir ki, o, sərhədlərimizi pozaraq asanlıqla Ermənistan haqqında məlumat əldə edə bilər".

 

Hazırda "Bürakan" rəsədxanasının Azərbaycan peykinin qarşısına heç nə çıxara bilməyəcəyini etiraf edən Arutyunyan bu məsələlərin dövlət səviyyəsində həll olunmalı olduğunu vurğulayıb. O, həmçinin bu məsələdə Ermənistanın strateji tərəfdaşı olan Rusiyanın yardım əli uzadacağı ehtimalını da istisna etməyib.

 

Xatırladaq ki, Azərbaycanın ilk peykinin istehsalı haqqında müqavilə 27 may 2010-cu ildə Bakıda "Orbital Sciences Corporation" (ABŞ) şirkəti ilə imzalanıb. Müqaviləyə əsasən, "AzerSpace" telekommunikasiya (uzaq yol irtibatları) peyki sənədin imzalandığı tarixdən etibarən 26 ay ərzində istehsal olunacaq və 2012-ci ilin iyul-avqust aylarında geostasionar orbitə buraxılacaq.

 

"Turan" qeyd edir ki, erməni alimin rəsədxananın imkanlarını peyklə müqayisə etməsi çox qəribədir. Digər tərəfdən, o, Azərbaycanın peyki orbitə buraxmaqla kosmosdan operativ (faydalı, müəssir) məlumat ala və faktiki (gərçək) olaraq Ermənistan ərazisinə nəzarət edə biləcəyi fikrində haqlıdır. Döyüş əməliyyatlarının bərpası ehtimalını nəzərə alsaq, bu imkanlar son dərəcə aktualdır. Digər hərbi-texniki nailiyyətlərdən istifadə etməklə, peyk real vaxt rejimində döyüş əməliyyatlarını koordinasiya (ılaqələndirmə) etməyə imkan verəcək. Lakin Kreml istəsə, ermənilər də eyni məlumatı Moskvadan əldə edə bilərlər.

SEÇİLMİŞ XƏBƏRLƏR

Çox oxunanlar