Contact Us

SON XƏBƏRLƏR

Naxçıvan İran və Türkiyəyə elektrik enerjisi ixrac edir

2021.10.20, 07:36
Naxçıvan İran və Türkiyəyə elektrik enerjisi ixrac edir

Gunaz.tv

GünAzTv: Naxçıvan Muxtar Respublikasında istehsal olunan elektrik enerjisindən qonşu İran və Türkiyəyə 30-40 mVt gücündə elektrik enerjisi ixrac edilir.

Belə ki, İran İslam Respublikasının “Pars Sakhtar” şirkəti ilə bağlanmış müqaviləyə əsasən Naxçıvan Modul Elektrik Stansiyası ilə Naxçıvan Qaz-Turbin Elektrik Stansiyası arasında dəyəri 1 milyon 680 min avro təşkil edən 24 kilometr uzunluğunda 110 kilovoltluq elektrik xətti çəkilib. Xəttin istismara verilməsi muxtar respublikanın elektrik şəbəkələrinin dayanıqlığının yüksəlməsinə, həmçinin qonşu dövlətlərlə enerji mübadiləsinin yaxşılaşdırılmasına imkan yaradıb.

Hazırda Türkiyə Respublikasına, Naxçıvan Modul Elektrik Stansiyasından 16-24 mVt gücündə elektrik enerjisi ötürülür. 2009-cu ildə isə Naxçıvandan Türkiyəyə 4,4 milyon dollar dəyərində 126 milyon kilovatsaat (KWH) elektrik ixracatı gerçəkləşdirilib. Naxçıvan Muxtar Respublikasında cari ilin 11 ayında texniki itki nəzərə alınmaqla 276 milyon 839 min kilovat/saat elektrik enerjisi sərf olunub. Sərf edilən elektrik enerjisinin dəyəri isə 100,8% ödənilibdir. 2010-cu ilin yanvar-noyabr ayları ərzində isə 483,3 milyon kvt-saat elektrik enerjisi istehsal edilib. Qeyd edək ki, Muxtar Respublikanın elektrik enerjisinə tələbatı Araz Su Elektrik Stansiyası, Naxçıvan Modul Elektrik Stansiyası, Naxçıvan Qaz-Turbin Elektrik Stansiyası, Biləv Su Elektrik Stansiyası, Vayxır Su Elektrik Stansiyası vasitəsilə ödənilir. 

SEÇİLMİŞ XƏBƏRLƏR

Çox oxunanlar