Güney Azərbaycanlılar İsveçin Xarici İşlər nazirinə müraciət ediblər

SON XƏBƏRLƏR

Güney Azərbaycanlılar İsveçin Xarici İşlər nazirinə müraciət ediblər

2021.10.20, 07:36

Gunaz.tv

GünAzTv: Azərbaycanlı ziyalılar və milli fəallar haqqında müraciət İsveçin Xarici İşlər naziri cənab Karl Bildtə təqdim olunub.

Azərbaycanlı siyasi məhbuslar, ustad Əkbər Azad və onunla birlikdə mühakimə olunacaq azərbaycanlılar barəsindəki müraciət, İsveç Azərbaycanlılar Federasyonunun başqanı cənab Sattar Sevigin tərəfindən, İsveç Xarici İşlər naziri cənab Karl Bildtə təqdim olunub.

Türkiyə və Azərbaycan Respublikasına yaxşı münasibət bəsləyən cənab Bildt, Güney Azərbaycanlıların taleinə biganə olmadığını cənab Seviginin diqqətinə çatdırıb. O bildirib ki, məktubu oxuyacaq və bu haqda İsveç tərəfindən ən münasib addım atılacaq.

Xatırladaq ki, yaxın günlərdə İran rejimi, Güney Azərbaycanlı bir neçə milli-mədəni fəalın mühakiməsinə hazırlaşır. Buda həm Güney Azərbaycanın daxilində, həmdə xaricdə yaşayan soydaşlarımız arasında ciddi nigaranlığa səbəb olub. O üzdən soydaşlarımız həm yurd içi və həm yurd dışında fəaliyyətə keçib və bu haqda İmzatoplama Kampaniyası kimi mümkün tədbirləri həyata keçirirlər.

Qeyd etdiyimiz kimi 2011-ci ilin yanvar ayının 1-də (Dey ayının 11-i) azərbaycanlı fəallar məhkəmə qarşısına çıxmalıdırlar. hazırda həbsdə saxlanılan ancaq məhkəmələrinin zamanı barədə heç bir məlumat olmayan, mühakimə olunacaq fəallar və müvəqqəti azadlığa buraxılan soydaşlarımızın kimliyi bunlardan ibarətdir:

- Pinar Fərəczadə

- Zəhra Fərəczadə

- Yürüş Mehrəlibəyli

- Lətif Həsəni

- Aydın Xacei

- Behbud Qolizadə

- Bəhmən Nəsirzadə

- Əlirza Əbdullahi

- Həsən Rəhimi bayat

- Şəhram Radmehr

- Nəim Əhmədi xiyavi

- Mahmud Fəzli

- Şükrullah Qəhrəmani

- Əkbər Azad

- Yunis Süleymani

- Heydər (Yaşar) Kərimi

Adını çəkdiyimiz azərbaycanlı fəallar Təbrizin İnqilab Məhkəməsində mühakimə olunacaqlar.

GUNAZ.TV

SON XƏBƏRLƏR