Şair Vaqif Bayatılı Odər: Fars ideoloji sistemi yalan üzərində qurulub

SON XƏBƏRLƏR

Şair Vaqif Bayatılı Odər: Fars ideoloji sistemi yalan üzərində qurulub

2021.10.20, 07:36

Gunaz.tv

GünAzTv: Tanınmış şair Vaqif Bayatlı Odər deyir ki, Azərbaycan poeziyasının ən böyük mərkəzlərindən biri Cənubi Azərbaycandır: "Ədəbiyyat tariximizi vərəqləsək, bunu aydın görərik.

Hətta türk şeirinin Şərq poeziyasının ən böyük mərkəzlərindən biri olduğunu deyərdim. İndi də mən çox yüksək qiymətləndirirəm. Azərbaycan türkləri tək türk dilində şeirlər yazmayıblar. Onlar ərəb, fars dillərində də böyük divanlar yaradıb, həm də farsın, ərəbin böyük şairləri olublar". Onun sözlərinə görə, Azərbaycan Respublikasında təkcə Məhəmmədhüseyn Şəhriyar deyil, digər Güney Azərbaycan şairlərinin şeir kitabları da az da olsa çap olunub: "Amma Şəhriyar daha populyar olub, çünki müəyyən bir dövrdə təşəbbüsdə bulunub. Nə üçün burada çox tanınmır. Bu ondan doğur ki, türk şeirinin özü İranda xalq arasında çox yayılsa da, rəsmi dairələrdə çap imkanları azdır. Yayılma arealı azdır. Bu istiqamətdə şüurlu şəkildə İranda dövlət siyasəti aparılır. Türk dilində məktəblərin olmadığı kimi, türk dilində ədəbiyyatın inkişafı üçün türk dilində təhsil almış insanlar lazımdır. Həmin insanlar fars dilində təhsil alır. Bu onların oxucularının sayının azalması deməkdir. Təbii ki, Tehranda Füzulinin divanı da çap olunub. Nizaminin əsərləri də də çap olunub. İran mədəniyyəti elə-belə yaranmır. Tehranda bunların ideoloqları oturub. Onlar fikirləşirlər ki, məsələn, fərz edək Qara Qarayev haqqında İran televiziyasında böyük bir veriliş vermək, onun bütün dünyada tanınmağı, Üzeyir Hacıbəyovun operanın banisi olmağından danışmaq farslara sərf etmir. Fars ideoloji sistemi yalan üzərində qurulub. Musiqiçilərimizin, rəssamlarımızın onlardan daha güclü olmağı farslara sərf etmir. Ona görə də onlar var güclərilə bunun qarşısını almağa çalışırlar". Vaqif Bayatılı Odər bildirir ki, bir qayda olaraq İranda öz tarixi torpaqlarında yaşayan azərbaycanlılar dünya ədəbiyyatının, ümumiyyətlə ərəb, fars, türk ədəbiyyatının ən aparıcı nümunələri olub. Ancaq Azərbaycan Respublikasında güneyli şairlərimizin, ədiblərimizin kitabları çap olunmur. Ancaq onların tarixən mövcud olan əsərlərinin çapı üçün dövlətimiz iş görməlidir. Tanınmış şair vurğulayır ki, Savalan dağı bütün dünya dağlarından fərqli bir dağdır: "Hətta ona bir İlahiyə doğru uzanan, qeyri-adi bir dağ kimi baxılır. Mən də ona "Savalanım, Tanrı dağım" adlı şeir həsr etmişəm". Xalq cəbhəsi

GUNAZ.TV

SON XƏBƏRLƏR