Bölgələrimizdə vəziyyət gərgin olaraq qalır

SON XƏBƏRLƏR

Bölgələrimizdə vəziyyət gərgin olaraq qalır

2021.10.20, 07:36

Gunaz.tv

GünAzTv: Son günlər yağan yağışlarla bağlı çayların səviyyəsinin qalxması nəticəsində respublikamızın bir sıra rayon və şəhərlərində yaranmış gərginlik davam etməkdədir. Şirvan şəhər İcra Hakimiyyəti başçısının müavini Şəfayət Əsgərovun sözlərinə görə, Kür boyunca yerləşən Hacıqəhrəmanlı, Çılpaqlı, Kürkörpü və Bayramlı qəsəbələrində vəziyyət qismən nəzarətdən çıxıb. İsmət Qayıbov küçəsində yaranan vəziyyət Şirvanda “Köhnə şəhər” massivi kimi tanınan əraziyə böyük təhlükə yaradıb. Yerli sakinlər təbii fəlakətin qarşısını almağa səfərbər olunub. Ən böhranlı vəziyyət isə şəhəri su ilə təchiz edən “Şirvan su kanal” idarəsi ətrafında yaranıb.

Vəziyyət gərgin olaraq qalır

Zərdabda da subasmaya məruz qalmış ərazilərdə vəziyyət gərgin olaraq qalır. Rayon İcra hakimiyyəti başçısının birinci müavini, Fövqəladə Hallar Komissiyasının sədri Allahverdi Səfərov bildirib ki, son bir neçə gündə subasmadan zərər çəkmiş fərdi yaşayış evlərinin sayı 678-ə çatıb. Onun sözlərinə görə, subasma zonasından çadırlara köçürülmüş ailələrin sayı 34-ə çatıb: “Subasma təhlükəsi olan ərazilərdə vəziyyəti normallaşdırmaq üçün yerli sakinlərin köməyindən də istifadə edirik”. Qeyd edək ki, çətinliklərə rəğmən dünəndən etibarən Zərdab rayonundakı orta məktəblərin və uşaq bağçalarının fəaliyyəti bərpa olunub. Xatırladaq ki, yaranmış vəziyyətlə əlaqədar rayonda fəaliyyət göstərən bütün məktəblər və bağçalar fəaliyyətlərini dayandırmışdılar.

Ağcabədidə isə Qarqarın səviyyəsinin artması nəticəsində rayon mərkəzi də daxil olmaqla 762 təsərrüfatın ərazisini su basıb. Ağcabədi rayon Fövqəladə Hallar Komissiyasının sədri Rövşən Əhmədov bildirib ki, son məlumatlara görə, rayon ərazisində 3 ev uçub. 105 ev qəzalı vəziyyətə düşüb. Həyətlərə yığılan suyun hündürlüyü 25-75 santimetrə çatır. Onun sözlərinə görə, adı çəkilən zonaya FHN-nin və rayonun xeyli sayda texnikası cəlb olunub. Vəziyyət ötən günə nisbətən bir az stabildir.

Kür çayında suyun səviyyəsinin artması nəticəsində Qazax rayonunda 53 hektar meşə massivini və 200 hektara yaxın otlaq sahəsini su basıb. Ağstafa çayda suyun səviyyəsində ifrat artım müşahidə olunsa da, çay məcrasından çıxmayıb.

Araz da məcrasından çıxıb

Araz çayında suyun səviyyəsinin qalxması Füzulinin çaykənarı yaşayış məntəqələri üçün təhlükə yaratmağa başlayıb.

Belə ki, çay məcrasından çıxaraq Zərgər Dilağardı və Əmirzeyid kəndinin ərazisinə keçib. Səfərbər olan kəndlilər axını yaxınlıqdan keçən su kanalına yönəltməyə müvəffəq olsalar da, başqa istiqamətdə sahilini aşan Araz yenidən kəndlərə hücum çəkib. zaman

GUNAZ.TV

SON XƏBƏRLƏR