Mahmud Əhmədinejad Amerikaya yola düşüb

SON XƏBƏRLƏR

Mahmud Əhmədinejad Amerikaya yola düşüb

2021.10.20, 07:36

Gunaz.tv

GünAzTv: Əhmədinejad səfərə yola düşməzdən əvvəl Vaşinqtonu terroru dəstəkləməkdə günahlandırıb.

ABŞ (Amerika Birləşmiş Ştatları) gələn həftə Nyu Yorkda BMT-nin nüvə silahının məhdudlaşdırılmasına dair konfransında iştirak etmək üçün iranlı nümayəndə heyətinə viza verib. Bu barədə İranın “Press TV” kanalının rəsmi saytında məlumat verilib.

Qeyd edək ki, viza rəsmi Tehranın Vaşinqtonu vizanı verilməsini gecikdirməkdə tənqid etdikdən sonra verilib. İranın xarici işlər naziri Mənüçöhr Möttəkinin sözlərinə görə, konfransda iştirak etmək üçün müxtəlif ölkələrdən olan rəsmi şəxslərə viza verməsi Birləşmiş Ştatların müstəsna səlahiyyəti yox, vəzifəsidir.Rəsmi Vaşinqtonun vizanı ləngitməsinin səbəblərini isə İranın Xarici İşlər Nazirliyinin rəsmisi Ramin Mehmanpərəst Birləşmiş Ştatların İran nümayəndə heyətinin tədbirdə iştirak etməsini istəməməsi ilə izah edib. “Nüvə silahının məhdudlaşdırılmasına dair müqavilənin şərtlərinə nüvə silahına malik olan üzv dövlətlərin özləri əməl etmirlər. Onlar bizim bu məsələni konfransda qaldıracağımızdan narahatdırlar” - deyə Ramin Mehmanpərəst bildirib.İran prezidenti Mahmud Əhmədinejad isə dünən Birləşmiş Ştatlara yola düşüb. Bu barədə İranın “İrinn” telekanalının rəsmi internet saytında məlumat yayılıb. Əhmədinejad bu gün Nyu Yorkda BMT-nin mənzil qərargahında nüvə silahının məhdudlaşdırılmasına dair konfransda çıxış edəcək. Səfər öncəsi Mahmud Əhmədinejad ABŞ-ı tənqid edərək Vaşinqtonun dünyanın bir nömrəli terror təşkilatları ilə əlaqədə olması barədə dəlil-sübutlara malik olduğunu bildirib.

GUNAZ.TV

SON XƏBƏRLƏR