Diasporumuz Avstraliyada ermənilərin cavabını verib

SON XƏBƏRLƏR

Diasporumuz Avstraliyada ermənilərin cavabını verib

2021.10.20, 07:36

Gunaz.tv

GünAzTv: Avstraliyadakı Türkiyə və Azərbaycan diasporunun nümayəndələri Baş Konsulluğun önünə yığışıblar. Onlar əllərində Türkiyə, Azərbaycan və Avstraliya bayraqları tutaraq ingiliscə Türkiyə lehinə şüarlar səsləndiriblər.

Hər il olduğu kimi bu il də 1915-ci il hadisələrinin ildönümü ərəfəsində ermənilər yaşadıqları bütün ölkələrdə müxtəlif təxribatlara əl atmağa və keçirdikləri aksiylar ilə dünya ictimaiyyətini aldatmağa çalışırlar. Belə aksiyalardan birinin uzaq Avstraliyada keçirilməsinə cəhd göstərilib. Belə ki, Avstraliya Gənc Ermənilər Federasiyasının 100-ə yaxın nümayəndəsi qondarma erməni soyqırımının ildönümü ilə əlaqədar Türkiyənin Sidneydəki Baş Konsulluğunun qarşısında aksiya keçirmək üçün toplaşıblar. Aksiyanın keçiriləcəyindən öncədən xəbər tutan Avstraliyadakı Türkiyə və Azərbaycan diasporunun nümayəndələri Baş Konsulluğun önünə yığışıblar. Onlar əllərində Türkiyə, Azərbaycan və Avstraliya bayraqları tutaraq ingiliscə Türkiyə lehinə şüarlar səsləndiriblər.

Konsulluq binasının dəmir hasarına Türkiyə və Azərbaycan bayraqları asılıb. Binanın qarşısına gələn 100-ə yaxın ermənini Azərbaycan və Türkiyə diasporunun nümayəndələri qarşılayıb. Hər iki qardaş ölkənin diaspor nümayəndələri qarşı tərəfə sakit və təmkinli şəkildə cavab verərək, Ermənistandan işğal etdiyi torpaqları dərhal boşaltmasını tələb ediblər. Onlar: “Qondarma erməni soyqırımı iddiasından əl çəkin, bundan 16 il əvvəl Xocalıda, Ağdamda, Zəngilanda, Kəlbəcərdə, Qubadlıda və bütün Qarabağda qətl etdiyiniz soydaşlarımızın hesabını verin”,- deyə hayqırıblar.

Hələ mitinqdən əvvəl Türkiyənin Sidneydəki baş konsulu Renan Şəkəroğlu hər iki qardaş ölkənin diaspor nümayəndələrinə müraciət edərək, onları erməni təxribatına uymamağa və türklərə layiq şəkildə davranmağa çağırıb. Ermənilər isə aranı qarışdırmaq üçün bütün cəhdlərə baş vurmaqdan çəkinməyiblər. Lakin Türkiyə və Azərbaycan cəmiyyətlərinin təmsilçiləri ermənilərə 1915-ci il hadisələrinin böyük bir yalan olduğunu, əsl soyqırımının Xocalıda baş verdiyini deyiblər: “Kirli siyasətiniz Ağdamı, Kəlbəcəri, Laçını unutdura bilməyəcək. Yalanınızla əvvəl-axır dünyaya rəzil olacaqsınız”.

Hadisə yerinə polis əməkdaşları da gəliblər. Hüquq-mühafizə orqanlarının əməkdaşları aksiyaya müdaxilə edərək, erməniləri konsulluğun önündən uzaqlaşdırıblar. Ermənilərdən bəziləri qarışıqlıq yaradıb və polisə müqavimət göstərib. Hadisə yerinə atlı polislər də gəlib. Polislə baş verən qarşıdurmada gərgin hallar yaşanıb. Nəticədə bir erməninin halı pisləşib. Xəstəxanaya çatdırılan erməninin infarkt keçirdiyi bildirilir.

GUNAZ.TV

SON XƏBƏRLƏR