Qırğız Silahlı Qüvvələri müxalifətin tərəfinə keçib. Prezidentin səlahiyyətləri əlindən alınıb

SON XƏBƏRLƏR

Qırğız Silahlı Qüvvələri müxalifətin tərəfinə keçib. Prezidentin səlahiyyətləri əlindən alınıb

2021.10.20, 07:36

Gunaz.tv

Qırğız Silahlı Qüvvələri müxalifətin tərəfinə keçib. Prezidentin səlahiyyətləri əlindən alınıbGünAzTv: Qırğızıstanda milis, Ordu və sərhəd xidməti müxalifətin tərəfinə keçib. Manas aeroportu da müxalifətin əlindədir.

Qırğızıstanda milis müxalifətin elan etdiyi yeni hökumətin tərəfinə keçib. Lent.az-ın “24.kg” agentliyinə istinadən verdiyi məlumata görə, “Ak-Şumar” Partiyasının sədri Temir Sariyev deyib ki, Daxili İşlər Nazirliyinə Bolot Şerniyazov, Milli Təhlükəsizlik Nazirinə Keneşbek Duşabayev rəhbərlik edəcək.Temir Sariyev bildirib ki, müxalifət hüquq-mühafizə orqanlarının əməkdaşlarını toplamağa və paytaxt Bişkekdə davam edən talançılığa son qoymağa çalışır. O, hazırda paytaxtda talançılıqla məşğul onların kim olduğunu dəqiqləşdirə bilmədiyini söyləyib: “Hər şey çox qarışıb və kimin-kim olduğunu ayırmaq çətindir”.Bununla belə, digər müxalifət lideri, “Ata Meken” Partiyasının sədri Omurbek Tekebeyev milisin hələ heç kimə tabe olmadığını qeyd edib. O, ordunun da neytrallığını qoruduğunu dilə gətirib. Bu arada Qırğızıstan və Qazaxıstan sərhədləri bağlanıb. Qırğız sərhədçiləri Qazaxıstanın təşəbbüsü ilə bu addımın atıldığını bildiriblər. Kütləvi informasiya vasitələri bu arada paytaxtdan 10 kilometr uzaqlıqda yerləşən “Manas” beynəlxalq aeroportunun da müxalifətin nəzarətinə keçdiyi barədə məlumat yayıb.

Digər xəbərə əsasən Ordu və sərhəd xidməti Qırğızıstan müxalifətinin tərəfinə keçib və Müxalifət prezidentin səlahiyyətlərini əlindən alıb.Qırğızıstan müxalifətinin yaratdığı müvəqqəti hökumətin rəhbəri Roza Otunbayevə ölkə parlamentinin buraxıldığını elan edib. müvəqqəti hökumət prezidentin və qanuni hökumətin səlahiyyətlərini də üzərinə götürdüyünü elan edib.Otunbayeva müvəqqəti hökumətin 6 ay fəaliyyət göstərəcəyini, bundan sonra Konstitusiyaya dəyişikliklər ediləcəyini vurğulayıb. Onun sözlərinə görə, müxalifət Qırğızıstanın 7 vilayətindən 4-nə nəzarət edir.Son məlumatlara görə, ordu və sərhəd xidməti müxalifətin tərəfinə keçib. Prezident Kurmanbəy Bakiyev istefaya getməyib və ölkənin cənubundakı Cəlalabadda gizlənir.

GUNAZ.TV

SON XƏBƏRLƏR