İran qonşu ölkələrin daxili işlərinə müdaxilə edir

SON XƏBƏRLƏR

İran qonşu ölkələrin daxili işlərinə müdaxilə edir

2021.10.20, 07:36

Gunaz.tv

İran qonşu ölkələrin daxili işlərinə müdaxilə edir

ABŞ-ın (Amerika Birləşmiş Ştatları) "ProPublica" jurnalı aprelin 4-də yayınladığı bir məqalədə İranın Rumıniyadan avtomat silahlar üçün kameralar alaraq bunları Əfqanıstanda fəaliyyət göstərən Taliban sılahlılarına verdiyini iddia edib. Bundan əvvəl ABŞ dəfələrlə İranı Talibana silah göndərməkdə ittiham edib.

Orta Asiyaya səfər edən ABŞ Mərkəzi Qüvvərlərinin komandanı Petraus isə aprelin 5-də Astanada keçirdiyi mətbuat konfransında bu məlumatı təsdiqləməsə də, İranın Əfqanıstanın qərb əyalətlərində fəaliyyət göstərən taliblərə partlayıcı maddələr verdiyi barədə dəqiq məlumatlara malik olduğunu iddia edib. Birləşmiş Ştatların Baş Qərargahlar rəisi Admiral Mayk Mallen də Kandaharda Taliban əsgərlərinə İran tərəfindən silah göndərildiyini bildirib. İranın Kabildəki səfirliyi isə bütün bu iddiaları təkzib edib.

Xatırladaq ki, İranın qonşu dövlətlərlə bağlı bu cür addımları barədə iddialar ilk deyil. ABŞ və Əfqa nrəsmiləri dərfələrlə İranın Əfqanıstanın daxilindəki proseslərə müdaxiləsi barədə açıqlamalar veriblər. Oxşar vəziyyət İraqda da yaaşanır. ABŞ-ın işğalından sonra daha da mürəkkəb vəziyyətə düşən bu iki ölkədə ABŞ əleyhinə və rəsmi hakimiyyətlər əleyhinə silahlı aksiyalar törədən qrupların İran tərəfindən hər cür dəstəkləndiyi iddia olunur. İra isə bu iddiaları təkzib edərək, əsl günahkarın kənardan gəlib regionda hökm etmək istəyən ABŞ olduğunu iddia edir. Xatırladaq ki, İran prezidenti Əhmədinejad mart ayındakı Əfqanıstan səfərində bir tərəfdən NATO-nun Əfqanıstana sülh gətirə bilməyəcəyini xüsusi vurğulayarkən, digər yandan da Əfqan hökumətinə dəstəyini bildirərək, "silahlı qruplarla mübarizədə ABŞ yerinə İrana güvənmələrini məsləhət bilmişdi.

Qeyd edək ki, İraqdakı son parlament seçkilərinin qalibi İyad Allavi də, İranı İraqda hökumət qurulması prosesinə maneə törətməklə günahlandırdı. Allavi, BBC-yə verdiyi müsahibədə, ''İran daxili işlərimizə həddindən artıq çox müdaxilə edir, bu narahatlıq vericidir'', demişdi. İran isə öz növbəsində İraqdakı Allavi istisna olmaqla İraqdakı böyük partiyaların əksəriyyətini müzakirələr aparmaq üçün Tehrana dəvət etmişdi.

Göründüyü kimi, İranın nüvə problemi, qalmaqallı prezident seçkilərinin problemləri, insan hüquqları problemləri davam edərkən, digər yandan qonşularıyla gərginlklıər yaradır. araztm

GUNAZ.TV

SON XƏBƏRLƏR