İranı tərk etmək istəyən həkimlərin sayı artıb

SON XƏBƏRLƏR

İranı tərk etmək istəyən həkimlərin sayı artıb

2023.05.29, 14:45

Son iki il ərzində daha 10 min iranlı həkim ölkədən çıxmaq üçün Səhiyyə Nazirliyindən sertifikat almaq barədə müraciət edib.

Gunaz.tv

Bu barədə İran parlamentinin Səhiyyə Komisiyasının başçısı Hüseynəli Şəhriyari bildirib.

O, mühacirət etmək istəyən həkim və tibb işçilərinin əksəriyyətinin ərəb ölkələrinə getmək istədiklərini deyib.

Şəhriyari buna səbəb kimi İranda onların əmək haqlarının aşağı olduğu halda Oman və BƏƏ kimi ölkələrdə ən yüksək maaşla işə götürüldüklərini söyləyib.

"Təəssüflər olsun ki, biz özəl və hətta dövlət tibb mərkəzlərində böyük insan resursları çatışmazlığı ilə üzləşirik, görünür, hökumət bunu kompensasiya etmək niyyətində deyil",- Səhiyyə Komissiyasının başçısı qeyd edib.

Qeyd edək ki, həkimlərləyanaşı tibb bacılarının da İranda köçü sürətlənib.

Bir müddət əvvəl Tibb İşçiləri Birliyinin başçısı Məhəmməd Şərifi Müqəddəm mediaya verdiyi açıqlamada hər ay orta hesabla 200 tibb işçisinin ölkəni tərk etdiyini deyib.

O, qeyd etdiyi sayın rəsmi statistikalar əsasında olduğunu, ancaq mühacirət sayının rəsmi statistikalarda göstərildiyindən daha çox olduğunu bildirib.

Beynəlxalq standarta görə, hər 1000 nəfərə ortalama beş-altı tibb bacısı, ən az halda isə 3 tibb bacısı lazım olduğu halda, hazırda İranda hər 1000 nəfərə 1,6 tibb bacısı düşür ki, bu da dünyada nəzərdə tutulan minimumdan da azdır.

Timur

GUNAZ.TV

SON XƏBƏRLƏR