Contact Us

SON XƏBƏRLƏR

Əkrəm İmamoğlu CHP-dən ayrılır?

2023.05.29, 16:46
Əkrəm İmamoğlu CHP-dən ayrılır?

Türkiyənin İstanbul Böyük Şəhər Bələdiyyəsinin sədri Əkrəm İmamoğlu ilə bağlı sürpriz iddialar yayılıb.

Gunaz.tv

 İmamoğlunun seçkilərdəki məğlubiyyətin ardından Cümhuriyyət Xalq Partiyasının (CHP) sədri Kamal Kılıçdaroğlundan incidiyi və artıq fərqli bir yol izləyəcəyi önə sürülüb.

Cebheinfo.az xəbər verir ki, Əkrəm İmamoğlunun "Twitter" hesabında paylaşdığı videoda dediyi sözlər də olduqca gündəm olub.

Onun bu sözlərinin Kılıçdaroğluna ünvanlandığı ehtimal edilir:

"Dəyişməyən tək şey dəyişimdir. Eyni şeyləri edərək, fərqli nəticə gözləməyəcəyik".

İmamoğluna yaxın mənbələr onun fərqli strategiyadan istifadə edəcəyini deyirlər. İddialara görə, İstanbul Böyük Şəhər Bələdiyyəsinin sədri siyasətdən məhrumetmə cəzası almasa sürpriz addımlar ata bilər.

Öncə məhkəmə qərarlarını gözləyəcək olan siyasətçinin ardından təkbaşına mübarizə aparacağı proqnozlaşdırılır. CHP sədri olmasını istəyən böyük bir kütlə olmasına baxmayaraq, Kılıçdaroğluna vəfa borcu olduğu üçün bu addımı atmayacağı deyilir. Buna baxmayaraq, İmamoğlunun yeni partiya yaratması və ya başqa bir partiyaya qatılması da gözləntilər arasındadır. Xüsusilə İYİ Partiyanın ona bu məsələdə böyük dəstək verəcəyi gözlənilir. 

Xatırladaq ki, daha öncə də bir neçə dəfə İYİ Partiyanın Əkrəm İmamoğluna təklif verdiyi iddiaları yayılmışdı. Partiyanın sədri Meral Akşenerlə çox yaxın olan Əkrəm İmamoğlunun bu addımı atmasının sürpriz olmayacağı da aydındır. Onun 2024-ci ildə keçiriləcək bələdiyyə seçkilərində namizəd olub-olmayacağı ilə bağlı da hələ qərar vermədiyi iddia olunur. 

Ekspertlər hesab edirlər ki, Əkrəm İmamoğlu 2028-ci ildə keçiriləcək prezident seçkilərində namizəd olmaq üçün çalışmalara erkən başlayaraq sürpriz addımlar ata bilər.


Ayxan

SEÇİLMİŞ XƏBƏRLƏR

Çox oxunanlar