Kosovadakı toqquşmada 30 NATO sülhməramlısı yaralanıb

SON XƏBƏRLƏR

Kosovadakı toqquşmada 30 NATO sülhməramlısı yaralanıb

2023.05.30, 16:30

NATO-nun Kosovadakı Missiyasına hücum zamanı xəsarət alan sülhməramlıların sayı açıqlanıb.

Gunaz.tv

APA xəbər verir ki, bu barədə Missiyanın mətbuat xidməti məlumat yayıb.

Bildirilib ki, mayın 29-da Kosovanın Zvecan bələdiyyəsi ərazisində zorakılıq zamanı yaralanan sülhməramlıların sayı 30-dur.

"İtaliya kontingentindən 11, Macarıstan kontingentindən isə 19 hərbçiyə əldəqayırma qurğularla hücum nəticəsində onlar sınıqlar və yanıqlar da daxil olmaqla, çoxsaylı xəsarətlər alıb.

Üç macar əsgərinə odlu silahdan atəş açılıb.

Onların xəsarəti həyati təhlükə yaratmır", məlumatda qeyd olunub.

Yayılan bəyanatda qeyd olunub ki, NATO-nun rəhbərlik etdiyi KFOR missiyası eskalasiya riskini azaltmaq üçün Şimali Kosovonun dörd bələdiyyəsində mövcudluğunu artırıb.

"KFOR Missiyasının komandiri, general-mayor Ancelo Mişel Ristuccia vəziyyəti şəxsən izləyir və toqquşmalar zamanı yaralanan NATO əsgərləri və onların ailələri ilə həmrəy olduğunu bildirir: "Tərəflər arasında toqquşmaların qarşısını almaq və hücum riskini minimuma endirmək üçün eskalasiya nəticəsində KFOR sülhməramlıları Kosovo serblərinin və albanlarının həyatına təhlükənin qarşısını aldılar.

Hər iki tərəf baş verənlərə görə tam məsuliyyəti öz üzərinə götürməli və yalan xəbərlər arxasında gizlənməkdənsə, gərginliyin qarşısını almalıdır.

"KFOR BMT Təhlükəsizlik Şurasının 1999-cu il tarixli 1244 saylı qətnaməsinə əsaslanan mandatına uyğun olaraq Kosovoda bütün icmalar üçün təhlükəsiz mühitin və hərəkət azadlığının təmin edilməsi üçün bütün lazımi tədbirləri görməyə davam edəcək"- missiyanın yaydığı bəyanatda vurğulanır.

Ayxan

GUNAZ.TV

SON XƏBƏRLƏR