Contact Us

SON XƏBƏRLƏR

Azərbaycan-İsrail münasibətləri yeni mərhələdə: "Önəmli sazişlər imzalanıb" - Millət vəkili

2023.06.01, 12:15
Azərbaycan-İsrail münasibətləri yeni mərhələdə: "Önəmli sazişlər imzalanıb" - Millət vəkili

"Müstəqilliyimizi tanıdığı 1991-ci il dekabrın 25-dən sonra Azərbaycan ilə İsrail dövləti arasında münasibətlər həmişə müsbət istiqamətdə inkişaf edib". Bunu Milli Məclisin üzvü Rauf Əliyev deyib.

Gunaz.tv

Onun sözlərinə görə, son illər Azərbaycanla İsrail arasında təşkil olunan qarşılıqlı səfərlər, ikitərəfli əlaqələrin bütün sahələrdə daha da genişləndirilməsi istiqamətində görülən işlər və həyata keçirilən layihələr, eləcə də ölkəmizin Təl-Əvivdə səfirliyinin açılması münasibətlərimizi yeni mərhələyə qədəm qoyuğunu göstərir. 

"Azərbaycan Respublikasının Prezidenti İlham Əliyev cari ilin 30 may tarixində İsrail Dövlətinin Prezidenti İsxak Hersoqun Azərbaycana səfəri ilə əlaqədar mətbuata verdiyi bəyanatda bir çox məsələlərə toxundu.

Son illərdə iki ölkə arasında ticarət dövriyyəsinin artdığını bildirən cənab Prezident qeyd etdi ki, hazırda icarət dövriyyəsi 1,7 milyard ABŞ dollarından çoxdur. Lakin, növbəti illərdə ticarət dövriyyəsini şaxələndirməyə ehtiyac var. 

Həyata keçirilməsi planlaşdırdırılan birgə layihələr nəticəsində daha balanslaşdırılmış ticarət dövriyyəsi olacaq və o, təkcə enerji amilindən asılı olmayacaq".

Trendin məlumatına görə, millət vəkili hesab edir ki, İsrail prezidentinin Bakıya səfəri çərçivəsində önəmli əməkdaşlıq müqaviləsi bağlanıb. 

"30 may tarixində Azərbaycan Respublikasının Prezidenti İlham Əliyevin və İsrail Dövlətinin Prezidenti İsxak Hersoqun iştirakı ilə “Azərbaycan Respublikasının Səhiyyə Nazirliyi ilə İsrail Dövlətinin Səhiyyə Nazirliyi arasında səhiyyə və tibb elmi sahələrində 2023-2028-ci illər üçün Əməkdaşlıq Planı” imzalanıb.

Perspektiv əməkdaşlıq istiqamətləri kimi irriqasiya və kənd təsərrüfatı sahələri üzrə birgə layihələrin reallaşdırılacağı nəzərdə tutulur. Azərbaycan İsrailin müsbət təcrübəsindən istifadə etmək və ixrac bazarını şaxələndirmək niyyətindədir. Yeni əməkdaşlıq sahələrdən biri kibertəhlükəsizlik sahəsidir. 

Bu sahədə fəal təmaslara başlanılıb. Kibertəhlükəsizlik hər bir ölkənin milli təhlükəsizliyinin mühüm hissəsidir. 

Gənc nəslin təlimi və tədrisi də məqsədlərimizə nail olmaq və özümüzü təhlükədən qorumaq üçün mühüm amil olacaq"-deyə, millət vəkili bildirib.

Ayxan

SEÇİLMİŞ XƏBƏRLƏR

Çox oxunanlar