Sülh payıza qaldı?- “Azərbaycan hərbi yola əl ata bilər”-Politoloq

SON XƏBƏRLƏR

Sülh payıza qaldı?- “Azərbaycan hərbi yola əl ata bilər”-Politoloq

2023.06.03, 12:37

Gözlənildiyinin əksinə olaraq Kişineuda Azərbaycan və Ermənistan arasında sülh müqaviləsi imzalanmadı. Sülh sazişinin payızda imzalanacağı gözlənilir. Politoloq Turan Rzayev Günaz.TV-yə açıqlamasında bildirib ki, Moldovada sülh sazişinin imzalanacağına öncədən də inam az idi:

Gunaz.tv

“Kişineu görüşünə qədər sülhün imzalanacağına dair müəyyən ümidlər var idi.

Lakin görüşdən bir həftə öncə Nikol Paşinyanın verdiyi açıqlamalar Kişineuda sülhün imzalanmayacağını faktiki olaraq öncədən bizə bildirdi.

Ümumi mənada bəzi məsələlər üzrə danışıqlar gedir. Yəni sülh sazişinin müddəları istiqamətində danışıqlar davam edir. Biz bunu həm Brüssel görüşündə, həm də Kişineu görüşü zamanı gördük.

Görüşdən sonra Şarl Mişelin açıqlamalarında da qeyd olunurdu ki, xüsusilə kommunikasiyaların açılması, demilitasiya və demarkasiya ilə əlaqədar sülh prosesi ilə bağlı tərəflər arasında danışıqlar davam edir və növbəti Brüssel görüşündə bu haqda açıqlamalar olacaq”.

İndiki məqamda prosesin 3 fərqli formatda cərəyan etdiyini vurğulayan politoloq hesab edir ki, Azərbaycan daha çox Qərb formatlarında uğur qazana bilir.

“Məsələ ondadır ki, proses hazırda 3 fərqli formatda: Moskva, Vaşinqton və Brüssel formatında icra edilir. Və 3 format öz maraqları kontekstində prosesləri həll etmək istəyir.

Amma bu 3 formatın bizim üçün öz növbəsində əlavə dividentlər yaradan məqamları var. Xüsusilliə Qərb-Vaşintqon və Brüssel formatlarında kiçik də olsa mütləq nailiyyətlər əldə edilir.

Rusiyada isə biz adətən bu tipli nailiyyətlərin əldə edilməsini görmürük. Bəli, Kişineu görüşü nəticəsiz qaldı. Amma bütünlüklə prosesin mənfi keçdiyini iddia edə bilmərik. Hər halda proses davam edir”.

Siyasi şəhrçinin fikrincə, prosesin uzanması Azərbaycanın maraqlarına uyğun deyil: “Bakı növbəti 27 illik danışıqlar prosesinə getməyəcək. Ən qısa zaman məsələ həll edildi-edildi, edilməsə Azərbaycan tərəfi istər Qarabağda, istərsə də şərti sərhədlərdə bu sülhü özü də təmin edə bilər.

Beynəlxalq hüquqda da buna haqqı var. Hazırda beynəlxalq situasiya da buna müsaitdir. Türkiyədə seçkilər yekunlaşdı, Ərdoğan qalib gəldi, İranın başı Əfqanıstan sərhədində Talibanla gərginliyə qarışıb.

Rusiya-Ukrayna müharibəsi davam edir, strateji tərəfdaşımız İsraillə, digər tərəfdaşımız Səudiyyə Ərəbistanı ilə danışıqlar yenidən başlanıb.

İndiki məqamda Azərbaycan tərəfinin əli daha güclüdür. Sülhün sazişinin imzalanmasının uzanması Azərbaycanın maraqlarına uyğun deyil.

Prosesin uzanacağı təqdirdə Bakı qarşı tərəfi daha adekvat addımlar atamağa vadar etmək üçün hərbi yola əl ata bilər”.

Ayxan