İran dövləti öz kadrlarına belə güvənmir: haker qrupu rejimi ifşa etdi

SON XƏBƏRLƏR

İran dövləti öz kadrlarına belə güvənmir: haker qrupu rejimi ifşa etdi

2023.06.03, 14:10

“Çökənə Qədər Qiyam” haker qrupu İran rəhbərliyini ifşa edib. Ölkənin Prezident Aparatından gizli sənədlər əldə edən qrup bildirib ki, iqtidar özü tərəfindən vəzifəyə təqdim edilən şəxslərə belə inanmır.

Gunaz.tv

Prezident Adminstrasiyası sistemindən sənədləri əldə edən qrup barəsində sorğu göndərilmiş 664 nəfərin siyahısını açıqlayıb.

Bu, səfir, icra hakimiyyəti başçısı və digər dövlət vəzifələrini tutmaq üçün İbrahim Rəisi hökumətinin təqdim etdiyi şəxslərin siyahısıdır.

Siyahıda İranın Niderland, Cənubi Koreya, Avstraliya, Yunanıstan, Türkmənistan və s. ölkələrdəki səfirlərinin adları yazılıb.

Sorğu dövlət qurumları və müxtəlif nazirliklər tərəfindən vəzifəyə namizədlərin etibarlı olub-olmadıqları barədə İranın Təhlükəsizlik Nazirliyinə, SEPAH-ın ETTELAAT İdarəsinə və Ali Məhkəməyə göndərilib.

Nəricədə sorğuya verilmiş bəzi şəxslərin SEPAH-ın ETTELAAT İdarəsi tərəfindən "etibarlı olduqları" təsdiqlənməyib.

İranın Xarici işlər Nazirliyi Sadat Meydan adında bir şəxsi İranın BMT-də elçisi və daimi nümayəndəsi barədə sorğu göndərib.

Təhlükəsizlik Nazirliyi onu təsdiqləsə də, SEPAH-ın ETTELAAT İdarəsi onun "etibarlı olduğunu" təsdiqləməyib.

Bəzi şəsxlərdə isə prosedur tərsinə olub: namizədləri SEPAH ETTELAAT-ı təsdiq etsə də, nazirlik təsdiqləməyib.

Dərc olunmuş məlumatlardan aydın olur ki, hazırkı İbrahim Rəisi iqtidarında vəzifəlilərin təyinatı daha da çətinləşdirilib, İran dövlətinin öz vəzifəlilərinə etibarı azalıb.

Məsələn, İndoneziyada səfir vəzifəsinə təyin olunması üçün Kazım Səccadi barədə sorğunun nəticəsi mənfi olub.

Lakin o, bundan öncə İranın bir neçə ölkədə səfiri vəzifəsində çalışıb.

Taymaz

GUNAZ.TV

SON XƏBƏRLƏR