Contact Us

SON XƏBƏRLƏR

"İranın dəniz ittifaqı yaratmaq istəyi məntiqsizdir"-Amerika rəsmisi

2023.06.05, 11:21
"İranın dəniz ittifaqı yaratmaq istəyi məntiqsizdir"-Amerika rəsmisi

"İranın bölgədə dəniz ittifaqı yaratmaq iddiası məntiqə ziddir". Bu açıqlama ilə Bu barədə ABŞ Hərbi Dəniz Qüvvələrinin Fars körfəzindəki Beşinci Donanmasının sözçüsü Tim Havkins çıxış edib.

Gunaz.tv

"Regionda qeyri-sabitliyin bir nömrəli amili olan İranın təhdid etdiyi eyni su yollarını qorumaq üçün Səudiyyə Ərəbistanı, BƏƏ və Bəhreyn kimi ölkələrlə hərbi ittifaq qurmaq niyyətində olması məntiqə ziddir"-deyə, Tim Havkins bildirib.

O, təkcə son iki ildə İranın müxtəlif ölkələrin bayraqları altında üzən 15 ticarət gəmisinə hücum etdiyini bildirib.

"Önəmli olan ölkələrin iddiaları yox əməlləridir və bu səbəbdən Amerika və tərəfdaşları Hörmüz boğazında müdafiə qüvvələrini gücləndirirlər",- Tim Havkins qeyd edib.

Qeyd edək ki, İran region ölkələri ilə əlaqələrini bərpa səylərinin artdığı bir vaxtda, İran donanmasının Səudiyyə Ərəbistanı, BƏƏ, Qətər, Bəhreyn və İraq kimi ölkələrlə ortaq ittifaq yaratmağa çalışdığı barədə iddialar irəli sürüb.

 Adı çəkilən ölkələrin heç biri isə hələlik İranın yaydığı məlumatı rəsmi şəkildə təsdiqləməyib.

Timur

SEÇİLMİŞ XƏBƏRLƏR

Çox oxunanlar