İran əhalisnin yüzdə 80 faizi VPN-dən istifadə edir

SON XƏBƏRLƏR

İran əhalisnin yüzdə 80 faizi VPN-dən istifadə edir

2023.08.28, 16:02

İranda internet səhifələri və sosial şəbəkələrə hakimiyyətin tətbiq etdiyi Filtering səbəbindən əhalisnin yüzdə 80 faizi internetə qoşula bilmək üçün VPN-dən istifadə edir.

Gunaz.tv

Qeyd edək ki, İranda 2022-ci ilin sentyabrından başlanan hakimiyyətə qarşı güclü üsyanlar barədə informasiyaların paylaşılması və çatdırılmasının qarşısını almaq məqsədi ilə ölkənin internet şəbəkəsinə məhdudlaşdırma və filterinq kəskin artırılıb.

İranda internet bazarı durumu araşdırılıb. Alınan nəticələrə əsasən əhali mesaj qasidləri (Messenger) və sosial şəbəkələrə qoşula bilmək məqsədi ilə məhdudlaşdırmanı aşmaq üçün vasitə proqramlara üz tuturlar.

İranda rəqəmsəl marketinqdə fəaliyyət göstərən “Yekta Net” Cəmiyyətinin yaydığı hesabata əsasən ötən il bu ölkədə filterinqi aşma proqramların satışı bazarında 25-30 min milyar tümən maliyyə dövriyyəsi olub.

Bu miqdar isə 5-6 yüz milyon dollar təşkil edir.

Habelə bildirilib ki, orta təhsillilərin 63 faizi internetə qoşula bilmək üçün VPN filterqırıcı proqramlardan istifadə edirlər. Bu faiz ali təhsillilər üzrə daha yüksəkdir.

İnstaqram sosial şəbəkəsində video izləmələri filterinq tətbiq olunandan sonra kəskin azalsa da, vaxt ötdükcə artmağa davam edib.

Ötən sentyabr ayında Teleqram mesaj qasidində paylaşılan informasiya sayı zirvəyə çatıb. Lakin 2022-ci ilin oktyabrında azalıb.

Bu statistik rəqəmlər İran hakimiyyəti tərəfindən filterinqin və İnternetdə qəsdən qırılmaların kəskin artırıldığına dəlalət edir.

Lakin İranın geriyici rejiminin gözləntilərinə zidd olaraq vətəndaşların bu platformalardan istifadələri müvəqqəti azalsa da, öncəki səviyyəyə qalxıb.

Qeyd edək ki, həmin tədqiqat İranda marketinq, təbliğat və sosial şəbəkələr sahəsində fəaliyyət göstərən 9 fərqli cəmiyyətin statistikalarına əsasən hazırlanıb.

Taymaz

GUNAZ.TV

SON XƏBƏRLƏR