"Əsirlikdə sağ olduğu təsdiqlənən 54 azərbaycanlı sonradan qətlə yetirilib"

SON XƏBƏRLƏR

"Əsirlikdə sağ olduğu təsdiqlənən 54 azərbaycanlı sonradan qətlə yetirilib"

2023.08.30, 11:41

1998 və 2001-ci illərdə Beynəlxalq Qızıl Xaç Komitəsinin (BQXK) təqdim etdiyi məktublarda 54 nəfər azərbaycanlının adı keçmiş və sağ olduğu təsdiqlənib. Bu, Ombudsmanın Birinci Qarabağ müharibəsi dövründə itkin düşmüş azərbaycanlılarla bağlı hesabatında öz əksini tapıb.

Gunaz.tv

Hesabatda qeyd olunub ki, sözügedən məktublarda Ermənistan hərbçilərinin əsir-girov götürdüyü 54 Azərbaycan vətəndaşına Ermənistanda və Azərbaycanın bu ölkənin işğal etdiyi Qarabağ ərazisində, saxlanıldıqları yerlərdə BQXK tərəfindən baş çəkilib.

Onlar bu qurumun rəsmi qeydiyyatına alınıblar.

"Lakin sağ olduqları təsdiq edilmiş həmin 54 nəfər də daha sonradan Ermənistan hərbi-siyasi rəhbərliyi tərəfindən qətlə yetirillib.

Onlardan, sadəcə, 17 nəfərinin nəşi qaytarılıb.

6-sı qadın olmaqla, 33 nəfərin saxlanma yerində öldüyü bildirilsə də, nəşləri qaytarılmayıb, 4 nəfərin sonrakı taleyi barədə, ümumiyyətlə, məlumat verilməyib.

Bu isə ciddi insan hüquqları pozuntusudur", - hesabatda vurğulanıb.

GUNAZ.TV

SON XƏBƏRLƏR