Contact Us

SON XƏBƏRLƏR

Beynəlxalq Əfv Təşkilatı dünya ictimaiyyətinin uyğurların hüquqlarına laqeyd yanaşdığını qınayıb

2023.09.01, 15:37
Beynəlxalq Əfv Təşkilatı dünya ictimaiyyətinin uyğurların hüquqlarına laqeyd yanaşdığını qınayıb

Beynəlxalq Əfv Təşkilatı Çinin Sincan Uyğur Muxtar Əyalətində uyğurlara qarşı insan haqlarının genişmiqyaslı pozulduğuna dünya ictimaiyyətinin laqeyd yanaşdığını qınayıb

Gunaz.tv

Təşkilat avqustun 31-də nəşr edilmiş bəyanatında Uyğurustanda insan haqlarının “dəhşətli” pozulduğu barədə BMT-nin hesabatı üzrə dünya ictimaiyyətinin hərəkətə keçmədiyini qınayıb.

Çin dövləti tərəfindən uyğurlara qarşı insan haqlarının pozulduğu barədə Mişl Baçeletin hesabatının nəşr edilməsindən 1 il keçməsinə rəğmən həmin qurum beynəlxalq təşkilatların bu barədə reaksiyasının əsla yetərli olmadığını qeyd edib.

Əlavə olaraq BMT-nin İnsan Haqları Şurasının özəl hesabatçısı Mişl Baçelet Uyğurustanda insan haqlarının dəhşətli dərəcədə pozulduğuna toxunub.

“Uyğurlara həddindən artıq nəzarət, yaşam və peşə fəaliyyəti şəraitlərinin ağır olması, əsarət düşərgələrində saxlanılmaqla gəliş-gediş sərbəstliyinin  məhdudlaşdırılması,  hədələmələr, fiziki və hətta cinsəl şiddət göstərilir.  Bunlar hamısı Çində bəşəriyyətə qarşı cinayətlərin olunduğunu sübut edir.”-deyə Baçelet açıqlama edib. 

Habelə Çin üzrə Beynəlxalq Əvf Təşkilatının Bölgə Müdiri Sara Bruks da bu barədə mövqe bildirib.

“Dünya ictimaiyyəti və BMT-nin önəmli üzvləri Çində beynəlxalq qanunların ciddi pozulması ilə bağlı hesabatda bildirilən faktlar  barədə təcili tədbirlər görməyib.

Həmçinin  ədalətin qurulması yönündə hərəkətə keçmək əvəzinə məsələyə çox laqeyd yanaşıb.”-deyə Bruks vurğulayıb. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar