Contact Us

SON XƏBƏRLƏR

"Gəncədə törədilən terroru müharibə cinayəti kimi hesabatımıza daxil edəcəyik"

2023.09.04, 10:56
"Gəncədə törədilən terroru müharibə cinayəti kimi hesabatımıza daxil edəcəyik"

Ermənistanın törətdiyi müharibə cinayətləri hesabata salınacaq və beynəlxalq ictimaiyyətə təqdim ediləcək”. Bunu İslam Əməkdaşlıq Təşkilatı Müstəqil Daimi İnsan Hüquqları Komissiyasının (İƏT MDİHK) sədr müavini Hacı Ali Açıkgül deyib.

Gunaz.tv

O bildirib ki, komissiya insan hüquqlarının pozulmasına dair önəmli faktlar toplayıb.

"Biz bura 4 günlük səfər üçün gəlmişik.

Daha əvvəl 2021-ci ilin sentyabrında səfər etmişdik. Səfərimizin əsas məqsədi 44 günlük müharibədən əvvəlki təxminən 30 illik erməni işğalı dövründə törədilən insan hüquqları pozuntularını müəyyənləşdirmək, bunları sənədləşdirmək və beynəlxalq ictimaiyyətin diqqətinə çatdırmaqdır. Ötən gün Füzuli rayonunda səfərdə olduq. Sonra Ağdama keçdik və bu gün də Gəncədəyik.

Bizim gördüyümüz əsas insan hüquqları pozuntuları məzarlıqların yağmalanması və yararsız vəziyyətə salınmasıdır.

Digər tərəfdən məscidlərin dağıdılması, salamat qalan məscidlərdə isə heyvan saxlanılmasının, xüsusən donuz saxlanılaraq nifrət, cinayəti törədilməsinin bir daha şahidi olduq.

Mədəni abidələrin məhv edilməsi, insanların yaşayışına icazə verilməməsi, o cümlədən 1 milyondan artıq insanın öz yurd-yuvasından köçməyə məcbur edilməsi əsas insan haqları pozuntuları sırasındadır.

Bunların bir çoxu, eyni zamanda, Cenevrə Konvensiyasına əsasən, müharibə cinayəti hesab edilir.

Bu gün Gəncədə 44 günlük müharibə dövründə mülki əhalinin yaşadığı yerlərə təşkil olunan raket hücumu yerində təsbit etdik.

Təəssüf ki, çox ürəkağrıdan mənzərədir. 6 azyaşlı bu hücumlarda həyatını itirib. Onların oyuncaqları burada açıq hava muzeyində nümayiş etdirilir.

Müharibə arzulanmayan  hadisədir, normalda müharibə əsgərlər arasında olar. Yaşayış yerlərini bilərəkdən hədəf almaq, özü də insanlar gecə vaxtı yatmışkən onları bombalamaq beynəlxalq hüququn pozulması, açıq-aşkar müharibə cinayətidir. Biz bunları hesabatımıza daxil edəcəyik", - o əlavə edib.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar