Contact Us

SON XƏBƏRLƏR

Avropa İttifaqı əməkdaşının İranda həbsdə olduğu üzə çıxıb

2023.09.04, 13:17
Avropa İttifaqı əməkdaşının İranda həbsdə olduğu üzə çıxıb

Nyu-York Taymz qəzetinin məlumatına istinadən, Avropa İttifaqının işçisi olan bir İsveç vətəndaşı İranda 500 gündən artıqdır həbsdə saxlanılır.

Gunaz.tv

İsveç və Avropa ittifaqı rəsmiləri onun həbsdə saxlanıldığını və bu müddətdə Tehranın Evin Həbsxanasında həbsdə cəza çəkdiyini  məxfi saxlayıbmış.

“Tehran opportunist hərəkətlərlə ikili vətəndaşlığı olan iranlıları və əcnəbiləri saxta ittihamlarla saxlayır. 

Məsqəd isə onları Avropa və Amerikada saxlanılan iranlı məhbuslarla mübadiə etmək,  yaxud maliyyə resurslarına və digər  imtiyazlara çata bilmək üçün onlardan təzyiq vasitəsi kimi istifadə etməkdir.”-deyə qəzet heabatında yazıb.

Qəzet həmçinin İranda saxlanılan həmin İsevç vətəndaşının kimliyini açıqlayıb.

“ 33 yaşlı Yuhan Flodrus  İsveç vətəndaşıdır. Avropa İttifaqı ilə əlaqədar müəssisələrdə bir neçə vəzifə sahibi olub. 

Flodrus ötən ilin yazında İrana turist kimi səfər edib. 17.04.2022-ci il tarixində qayıtmaq istərkən hava limanında saxlanılıb.”- qəzetdə bildirilib.  

İsveçin XİN bu barədə ayrıntılı mövqe bildirməyəcəyini elan edib. 

“Biz və İsveçin Tehranda səfirliyi bu işlə əlaqədar tədbirlər görürük.”-deyə nazirliyin mediya bölməsi məlumat yayıb.

Taymaz
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar