İran Ərbəinin keçirilməsinə başgicəlləndirici pullar xərcləyir

SON XƏBƏRLƏR

İran Ərbəinin keçirilməsinə başgicəlləndirici pullar xərcləyir

2023.09.04, 14:37

İraqda iranlıların Ərbəi mərasiminin keçirlməsinə İran hökuməti tərəfindən başgicəlləndirici büdcə ayrılıb.

Gunaz.tv

İran builki mərasimin keçirilməsi və təbliğatı üçün iri vəsait xərcləyib. Həmin iri məbləğlərlə xalqın gündəmdə olan xeyli problemlərini qaldırmaq mümkündür.

İranın Monitorinq (Didban) İnternet Səhifəsi Ərbəin mərasiminə İranın Yol və Şəhərsalma Nazirliyi tərəfindən 3 trilyon tümən büdcə ayrıldığını bildirib.

“Bu məbləğ Sistan-Bəluçistan, Hormuzqan əyalətlərinə və ölkənin bir sıra qərb əyalətlərinə doğal qaz borusu çəkilməklə həmin bölgələri qazla təmin etməyə yetərlidir.”-deyə monitorinq səhifəsi bildirib.

Monitorinq mərkəzi həmçinin qeyd edib ki, Ərbəin mərasimində iştirak məqsədi ilə Rifah, Peşə və Sosial İşlər Nazirliyinin işçilərinə 3 günlük məzuniyyət verilib.

Habelə onlara 5 milyon tümən, ailələrinin hər bir üzvünə isə mərasimdə iştirak üçün 1 milyon tümən yardım olunub.

“Nazirlikdə işləyənlərin sayını nəzərə alaraq yardım məbləği 850 milyar tümən təşkil edir. Bu məbləğ ilə hərəsinin 70 metr sahəsi olan 1500 ədəd mənzili sıfrdan başlayıb sona qədər tikdirmək mümkündür.”-deyə mərkəz öz hesblamasını açıqlayıb.

Qeyd edək ki, bu ayrılmış büdcədən əlavə, İranın Gömrüyü Ərbəin “karnavalında” iştirak edənlərin əsasən pulsuz istifadəsi üçün İraqa 30 min 500 ton qida məhsulu və 800 min litr benzin göndərildiyini bildirib.

Üstəlik, Tehran şəhər Şurasının sədri Ərbəin mərasimində xərclənmək məqsədi ilə şəhərin bələdiyyəsi tərəfindən 300 milyard real büdcə ayrıldığını qeyd edib.

Xatırladaq ki, Ərbəin mərasimi qəbri İraqda yerləşən ərəb sülalələrindən olan İmam Hüseynin qırxının keçirilməsinə deyilir.

Taymaz

GUNAZ.TV

SON XƏBƏRLƏR