İranda internetin kəsilməsi halları artıb

SON XƏBƏRLƏR

İranda internetin kəsilməsi halları artıb

2023.09.12, 10:45

17 sentyabrın 2022-ci il qiyamının və xalqların Tehran hökumətinə qarşı inqilabi üsyanının ildönümləri ərəfəsində internetin kəsilməsi nəzərəçarpacaq dərəcədə artıb.

Gunaz.tv

Bu barədə dünyada internetə çıxışın vəziyyətini izləyən “NetBlocks” şirkəti məlumat yayıb.

Məlumatda sentyabrın 10-dan başlayaraq ən çox internetin kəsilməsinin İranın şimal qərbində qeydə alındığı bildirilib.

Bu məlumatın yayılması ilə eyni vaxtda iranlı internet istifadəçiləri internetə girişdə davamlı çətinlik çəkdiklərini yazırlar.

Müxtəlif beynəlxalq göstəricilərə və mənbələrə görə, İranın internetə çıxış sürəti və keyfiyyəti baxımından reytinqi Birləşmiş Ərəb Əmirlikləri, Türkiyə, Ermənistan, Azərbaycan, Qətər və Oman kimi ölkələrdən aşağıdır.

İbrahim Rəisinin hökuməti işə başlayandan bəri məşhur onlayn platformalara çıxışın kəsilməsi halları artıb.

Bununla yanaşı Rabitə Nazirliyi vətəndaşların informasiya qaynaqlarına girişini məhdudlaşdırmaq üçün alternativ daxili internet layihələrinə sərmayə qoyuluşunu sürətləndirib.

Qeyd edək ki, İran ötən il dünyada internet azadlığı və azad informasiya dövriyyəsinin düşməni seçilib.

“Surfşark” internet saytı dünyada internet məhdudiyyətləri ilə bağlı son hesabatında ötən il İranın 11 yeni internet məhdudiyyəti tətbiq etdiyini və dünyada ikinci ən çox məhdudiyyət tətbiq edən ölkə olduğunu açıqlayıb.

“Surfşark”-ın 2022-ci ildə internet məhdudiyyətlərinin vəziyyəti ilə bağlı sorğusuna əsasən, yeni internet məhdudiyyətlərinin sayına görə Cammu və Kəşmir, İran, Hindistan, Sudan, Burkina Faso, Zimbabve, Pakistan, Rusiya, Kuba və Sierra Leone internetə ən çox məhdudiyyət qoyan dünyanın 10 ölkəsi kimi ilk yerləri tutublar.

Timur

GUNAZ.TV

SON XƏBƏRLƏR