Contact Us

SON XƏBƏRLƏR

“Siyasi məhbusların canı təhülükədədir”- İranın İnsan Haqları Müdafiəçiləri Mərkəzi

2023.09.12, 12:50
“Siyasi məhbusların canı təhülükədədir”- İranın İnsan Haqları Müdafiəçiləri Mərkəzi

İranın İnsan Haqları Müdafiəçiləri Mərkəzi BMT-nin İranda insan haqları üzrə xüsusi nəzarətçisinə “Siyasi məhbusların canlarının təhülükədə” olduğu barədə məktub ünvanlayıb.

Gunaz.tv

“Evin Həbsxanasından Qızıl Hasar Həbsxanasına icbarla köçürülmüş 13 siyasi məhbus təhlükəli məhbuslar bölməsinə yerləşdirilib. 

Onlar minimum səhiyyə imkanlarına, münasib qidalanmaya və hava qəbulu imkanına malik olmadan tamamilə təhlükəli vəziyytədə saxlanılır. 

Məhbuslar qanunlara zidd olan bu vəziyyətə etiraz olaraq sentyabrın 7-dən aclıq aksiyasına başlayıblar. Ona görə də sağlamlıqları təhlükəyə düşüb.” İranda rəsmən qeydiyyata alınmayan və 2002-ci ildə təsis edilmiş mərkəz Cavid Rahmana ünvanladığı məktubda bildirib.

Mərkəz həbsxanalar və məhbuslar barədə beynəlxalq qanunlara riayət edilməsinə, həmçinin aclıq aksiyasına başlamış həmin məhbusların Evin Həbsxanasına qaytarılması barədə İranı məcbur etməyi Cavid Rahmandan istəyiblər.

Xatırladaq ki, özlərini İranın İnsan Haqları Müdafiəçiləri adlandıran mərkəz İranda qeyri-fars xalqların hüquqlarının pozulması, habelə bu xalqların İran hakimiyyəti tərəfindən saxlanılmış siyasi məhbusları barədə yarım səhifə də olsun  məktubla heç bir beynəlxalq təşkilata müraciət etməyib.

Mərkəzin 3 fəaliyyət istiqamətlərindən biri “İranda insan haqlarının pozulduğu hallarına mövqe və fikir bildirmək” olduğu bir halda sankı İranda qeyri-fars xalqların hüquqları üzrə işlər tamamilə qaydasındadır deyə fəaliyyət tarixçələrində bu barədə əsla mövqe bildirilməsi müşahidə olunmur. 

Taymaz
 

Açar Sözlər :

SEÇİLMİŞ XƏBƏRLƏR

Çox oxunanlar