İranla Rusiya arasında vizasız turizm səfəri başlayıb

SON XƏBƏRLƏR

İranla Rusiya arasında vizasız turizm səfəri başlayıb

2023.09.22, 13:14

Rusiya Səfirliyinin İranda Ticarət Təmsilçiliyinin sədri İranla Rusiya arasında ilk turizm qurupları üçün vizasız səfər təşkil olunduğunu bildirib.

Gunaz.tv

“Bu səfərlərin başlanması ikitərəfli münasibətlərin, əlaqələrin və nəhayət, turizmin inkişafına böyük təsiri olacaq.”-deyə Təmsilçiliyin sədri Rüstəm Jiqanşin Təbrizin bələdiyyə başçısı ilə görüşündə vurğulayıb.

Jiqanşin Təbrizin müxtəlif ticarət və sənaye sahələrində yüksək potensialına toxunaraq deyib: “Təbrizin potensialları İran və Rusiya üçün ticarət və sənaye əlaqələrinin inkişafına yaxşı zəmin hesab olunur.

Həmçinin, Təbriz və Qazan şəhərləri arasında bağlanmış Qardaşlıq Memorandumu iki şəhərin ticarət və mədəni əlaqələrinin yüksəldilməsinə şərait yaradır. Rusiyanın özəl və dövlət sektoru İran bazarında iştirak və fəaliyyət üçün maraq göstərir.”.

“Qarşıdakı günlərdə keçiriləcək toplantıya Tatarıstan və Başqırdıstan şəhərlərnin bələdiyyə başçılarının dəvət olunmalarını təklif edirəm. Belə ki, bunlar sənaye baxımdan qabaqcıl şəhərlərdir.”-deyə Jiqanşin təklif edib.

Təbriz şəhərinin bələdiyyə başçısı Yaqub Huşyar Jiqanşinin təklifini alqışlayaraq Rusiyanın önəmli şəhərlərinin bələdiyyə başçılarını, iqtisadi və investisiya sahəsində fəalyyət göstərənləri noyabrın 6-7-də keçiriləcək Təbriz-2023 İnvestisiya Fürsətləri üzrə Beynəlxalq Toplantıya dəvət edib.

Taymaz

GUNAZ.TV

SON XƏBƏRLƏR