CNN: İran rejiminin Trampa qarşı sui-qəsd planlaşdırdığı güman edilir!

SON XƏBƏRLƏR

CNN: İran rejiminin Trampa qarşı sui-qəsd planlaşdırdığı güman edilir!

2024.07.20, 14:14

CNN-in çərşənbə axşamı yaydığı hesabata görə, ABŞ bu yaxınlarda İranın noyabr seçkiləri ərəfəsində keçmiş prezident Donald Trampa sui-qəsd planı ilə bağlı kəşfiyyat məlumatları əldə edib.

Gunaz.tv

İranın sui-qəsd planın arxasında Trampın İslam İnqilabı Keşikçiləri Korpusunun (SEPAH) Qüds Qüvvələrinin rəhbəri Qasım Süleymanini 2020-ci ildə öldürmək əmrinə dayandığı güman edilir.

Airport informants, overhead drones: How the U.S. killed Soleimani

ABŞ rəsmiləri qətldən sonrakı illərdə İranın müxtəlif qisas planlarından xəbərdar olsalar da, son aylarda kəşfiyyat məlumatlarında artım müşahidə olunur.

Kəşfiyyat məlumatları ilə tanış olan iki yüksək rütbəli ABŞ rəsmisi bildirib ki, İranın sui-qəsdi ilə bağlı məlumatlar müxtəlif mənbələrdən əldə edilib. Mənbələr həmçinin bildiriblər ki, İranın sui-qəsdi ilə şənbə günü Pensilvaniya ştatının Batler şəhərində həyata keçirilən sui-qəsd cəhdi arasında məlum bir əlaqə olmasa da, noyabr seçkilərinə qədər bir neçə ay ərzində növbəti sui-qəsd cəhdləri mümkündür.

Milli Təhlükəsizlik Şurasının sözçüsü Adrienne Watson, "Dəfələrlə dediyimiz kimi, biz İranın keçmiş administrasiya rəsmilərinə qarşı illərdir ki davam edən təhdidlərini müşahidə edirik" bildirdi.

“Bu təhdidlər İranın Qasım Süleymaninin öldürülməsinə görə qisas almaq istəyindən irəli gəlir. Biz bunu ən yüksək prioritet olan milli və daxili təhlükəsizlik məsələsi hesab edirik”.

ABŞ-ın milli təhlükəsizlik rəsmisi CNN-ə bildirib ki, şənbə günü Batlerdə keçirilən kampaniya mitinqindən əvvəl Amerika təhlükəsizlik qüvvələri Donald Trampa qarşı mümkün təhlükə barədə məlumatlandırılıb.

The Shooting of Donald Trump - WSJ

“Amerika Birləşmiş Ştatları Milli Təhlükəsizlik Şurası son hesabatları izləməyə davam etdiklərinə tam əmin olmaq üçün Amerika Birləşmiş Ştatlarının Gizli Xidməti ilə birbaşa təmasdadır. ABŞ Gizli Xidməti bu məlumatı təhlükəsizlik qüvvələri ilə paylaşdı və Tramp kampaniyası zamanı potensial təhlükədən xəbərdar etdi. Artan təhlükəyə cavab olaraq, Gizli Xidmət keçmiş prezident Trampın qorunması üçün bütün resursları hazır vəziyyətə gətirdi. Bütün bunlar şənbə günündən əvvəl baş vermişdir”.

“The New York Times” xəbər verir ki, kəşfiyyat haqqında məlumat alan məmurlardan biri, sui-qəsdçinin Trampa bu qədər yaxınlaşmağa imkan verən təhlükəsizlik qüvvələrini kəskin şəkildə tənqid edib.

GünazTV

GUNAZ.TV

SON XƏBƏRLƏR