Xaməneyi Pezeşkianı Prezidentlik fərmanını təsdiq etdi

SON XƏBƏRLƏR

Xaməneyi Pezeşkianı Prezidentlik fərmanını təsdiq etdi

2024.07.28, 12:33

Bu gün yerli vaxtla səhər saat 10-da Əli Xaməneinin iqamətgahının "Hüseyniyyə"sində (Məscid) İranın yeni Prezidenti Məsud Pezeşkianın vəzifəsinin icrasına başlaması ilə bağlı mərasim keçirilib.

Gunaz.tv

Bu barədə İran mediası məlumat yayıb.

Hökumət məsllarının iştirak etdiyi mərasimdə Əli Xamənei Məsud Pezeşkianın Prezidentlik fərmanını ona təqdim edib.

Çıxış edən Məsud Pezeşkian bu gündən etibarən rəsmi olaraq vəzifəsinin icrasına aşladığını söyləyib, qarşısına qoyulan vəzifələrin həyata keçirilməsi üçün əlindən gələni edəcəyinə söz verib.

O Prezidentlik fərmanını təsdiq etməsi və imzalamasına görə Xaməneiyə təşəkkür edib, rəhbərin irəli sürdüyü təklifləri icra edəcəyinə, Əli Xaməneinin təyin etdiyi prinsiplərə uyğun fəaliyyət göstərəcəyini söyləyib.

Konstitusiyada göstərilənlərin əslində Xaməneinin tövsiyələri və təklifləri olduğunu deyən yeni Prezident, rəhbərinin təlimatları əsasında İslam Respublikasının ümumi siyasətlərinin qabağa aparlmasına mümkün qədər səy göstərəcəyini bildirib.

Yeni Prezidentin Əli Xaməneiyə sadiqliyi barədə ifrat dərəcədə səsləndirdiyi fikirlər müstəqil media və müxalifət tərəfindən tənqid olunub.

Onların fikrincə, Məsud Pezeşkian Əli Xaməneiyə əvvəlki prezidentlərdən daha çox sədaqətli olduğunu sübut etmək üçün işlətdiyi ifadələrdə ifrat edib.

Qeyd edək ki, Məsud Pezeşkianın rəsmi andiçmə mərasimi iyulun 30-da ölkə məsulları, xarici ölkələrin səfirləri və xarici diplomatların iştirakı ilə keçiriləcək.

GünazTV

GUNAZ.TV

SON XƏBƏRLƏR