Contact Us

SON XƏBƏRLƏR

İsrail ordusu İrana görə hazır vəziyyətə gətirildi

2024.08.02, 15:35
İsrail ordusu İrana görə hazır vəziyyətə gətirildi

İsrailin müdafiə ordusu İsmayıl Haniyə və Hizbullahın yüksək rütbəli komandiri Fuad Şükürün öldürülməsindən sonra ölkəyə hücum ehtimalına görə tam hazır vəziyyətə gətirilib.

Gunaz.tv

Bu barədə İsrailin "Kanal 12" televizyası məlumat yayıb.

"Hava hücumundan müdafiə sistemləri hazır vəziyyətə gətirilib, qırıcılar sərhədlər boyu hava patrul əməliyyatlarını artırıb və onlarla əlavə hərbi təyyarə müdafiə və hücum üçün hava limanlarının uçuş-enmə zolaqlarında uçmağa hazırdır”,- məlumatda bildirilib.

Bununla yanaşı gözlənilən hücimla bağlı regional koalisiya ilə əməkdaşlıq da artırılıb.

Hərbi hazırlıqlarla eyni vaxtda baş nazir Benyamin Netanyahu ilə müdafiə naziri Yoav Qalant arasında İsrailin gözlənilən hücuma reaksiyası ilə bağlı məsləhətləşmələr davam edir.

Qeyd edək ki, iyulun 31-də İsmayıl Haniyənin Tehranda öldürülməsinin məsuliyyətini İsrail öz üzərinə götürməyib.

Buna baxmayaraq, İran tərəfi heç bir sübut təqdim etmədən İsrailin HƏMAS-ın Siyasi Bürosunun liderini öldürməkdə günahlandırıb və buna görə bu ölkəyə qısas hücumu edəcəyini bildirib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar