Contact Us

SON XƏBƏRLƏR

Tramp dünya iqtisadiyyatını silkələyəcək yeni tariflər tətbiq edib

2025.04.03, 11:27
Tramp dünya iqtisadiyyatını silkələyəcək yeni tariflər tətbiq edib

ABŞ prezidenti Donald Tramp çərşənbə günü genişmiqyaslı yeni tariflər toplusunu elan edərək, onların Birləşmiş Ştatların iqtisadi cəhətdən inkişaf etməsinə imkan verəcəyini bildirib.

Gunaz.tv

GünazTV "CNN"-ə istinadən xəbər verir ki, Prezident Donald Tramp çərşənbə günü 180-dən çox ölkə, o cümlədən Avropa İttifaqının üzvlərinin yeni ticarət siyasəti çərçivəsində üzləşəcəyi ABŞ-ın “qarşılıqlı tarif” dərəcələrini açıqlayıb. Tramp və Ağ Ev sosial mediada digər ölkələrin ABŞ-a tətbiq etdiyi tarif dərəcələrini təfərrüatlandıran bir sıra qrafiklər paylaşıblar.

Trampın fərmanla tətbiq etdiyi bu yeni idxal tariflərinin bütün dünyaya iqtisadi şok dalğaları göndərəcəyi gözlənilir. Lakin ABŞ prezidenti hesab edir ki, onlar ticarət balanssızlığını aradan qaldırmaq və Amerika iş yerlərini və istehsalını qorumaq üçün lazımdır. “Qarşılıqlı tarif” dərəcələrinin minimum tarif həddi 10% olaraq müəyyən edilib. Bu baza dərəcəsi adlandırılıb və aprelin 5-dən qüvvəyə minəcək.

Bəzi ölkələr yalnız baza dərəcəsi ilə üzləşəcəklər. Bunlara daxildir:

Böyük Britaniya
Sinqapur
Braziliya
Avstraliya
Yeni Zelandiya
Türkiyə
Kolumbiya
Argentina
El Salvador
Birləşmiş Ərəb Əmirlikləri
Səudiyyə Ərəbistanı və başqaları

Qeyd edək ki, Azərbaycana da 10%-lik baza tarifi müəyyən edilib.

 


"Ən pis cinayətkarlar" kimi xarakterizə edilən ölkələr üçün xüsusi tariflər tətbiq edələcək. Ağ Ev rəsmiləri bildiriblər ki, bu kateqoriyaya təqribən 60 ölkə daxildir. Bu tariflər aprelin 9-dan qüvvəyə minəcək.

Ağ Ev rəsmiləri bildiriblər ki, bu ölkələr ABŞ mallarına daha yüksək rüsumlar tətbiq edir və ABŞ ticarətinə maneələr qoyur.

Bu fərdiləşdirilmiş tarif dərəcələrinə tabe olan əsas ticarət tərəfdaşlarına aşağıdakılar daxildir:


Çin: 54%

Kamboca: 49%

Vyetnam: 46%

Tayland: 36%

Cənubi Afrika: 30%

Tayvan: 32%

Yaponiya: 24%

Avropa Birliyi: 20%

 

10%-lik baza dərəcəsi Kanada və Meksikaya şamil edilmir, çünki onlar Trampın prezidentliyi dövründə artıq hədəfə alınıblar. Ağ Ev rəsmiləri bildiriblər ki, Trump-ın imzaladığı sərəncamlarında müəyyən edilmiş çərçivədən istifadə edərək hər iki ölkə ilə məşğul olacaqlar. Xatırladaq ki, Trump hər iki ölkədən daxil olan bütün mallar üçün bu tarifləri 25% olaraq təyin etdi.

Bundan əlavə, prezident Amerikanın yeni "bütün xarici istehsallı avtomobillərə 25% tarifi"nin başlandığını təsdiqləyib. Bu tarif yerli vaxtla demək olar ki, dərhal, gecə yarısı qüvvəyə minib.

Qeyd edək ki Ukrayna 10%-lik baza dərəcəsinə aid edilərkən, siyahıda Rusiyanın adı yoxdur. 

 

 

Şahin Elxanoğlu

 

Chart of reciprocal tariffs.

 

Chart of reciprocal tariffs.

 

Chart of reciprocal tariffs.

 

Chart of reciprocal tariffs.

 

Chart of reciprocal tariffs.

 

Chart of reciprocal tariffs.

 

 

 

Açar Sözlər :

SEÇİLMİŞ XƏBƏRLƏR

Çox oxunanlar