Contact Us

SON XƏBƏRLƏR

1 milyon 450 min əfqanıstanlı İrandan qovulacaq

2025.10.24, 13:39
1 milyon 450 min əfqanıstanlı İrandan qovulacaq

Cari ilin 6 ayı ərzində 1 milyon 450 min xarici mühacir ölkədən qovulub və bir bu qədər mühacirin də yaxın gələcəkdə ölkədən çıxarılması planlaşdırılıb.

Gunaz.tv

Bunu İran Daxili İşlər Nazirliyinin Xarici Vətəndaşlar və İmmiqrantlarla İşlər Mərkəzinin rəhbəri Nadir Yarəhmədi deyib.

O, İranda 6 milyon əfqanistanlının olduğunu, deportasiya edilənlərdən sonra bu rəqəmin hazırda 4 milyon 500 minə qədər azaldığını bildirib.

Məlumatlara görə, 2025-ci ildə ümumilikdə 1 milyon 900 min əfqanistanlı miqrantın İran və Pakistandan deportasiya edilməsi BMT-nin də narahatlığı ilə qarşılaşıb.

BMT nümayəndələri Tehran və İslamabaddan miqrantların deportasiyasını dayandırmağı tələb ediblər.

Qeyd edək ki, əfqanıstanlı qaçqınların kütləvi deportasiyası Taliban hökumətinin də etirazı ilə qarşılaşıb.

Taliban hökumətinin baş nazirinin müavini Moləvi Əbdülsəlam Hənəfi əfqanistanlı qaçqınların kütləvi şəkildə deportasiyasına görə İrana xəbərdarlıq edib.

"Əfqanıstanlı qaçqınlara qarşı kobud və ədalətsiz davranış iki ölkənin xalqları arasında nifrətin yaranmasına səbəb olur. Qaçqınların deportasiyası tədrici şəkildə edilməli, ləyaqət və qonşuluq prinsiplərinə əməl edilməli və əfqan qaçqınlarına qarşı alçaldıcı rəftardan çəkinmək lazımdır",- o bildirib.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar