Nobel mükafatı laureatları edama görə İran hökumətinə çağırış etdilər

SON XƏBƏRLƏR

Nobel mükafatı laureatları edama görə İran hökumətinə çağırış etdilər

2025.12.24, 16:36

İranı 67 yaşlı elektrik mühəndisi Zəhra Şahbaz Təbərini edam etməməyə, azadlığa buraxmağa çağırırıq.

Gunaz.tv

Bu çağırışla dünyanın müxtəlif ölkələrindən çox sayda nüfuzlu qadın, BMT ekspertləri ayrı-ayrı bəyanatlarında çıxış ediblər.

Təbərini oktyabrın 25-də Rəşt İnqilab Məhkəməsi İslam Respublikasının əsaslarına qarşı silahlı üsyan ittihamı ilə ölüm cəzasına məhkum edib.

Zəhra Şahbaz Təbəri "hökumətə müxalif qruplarla" (İran Xalq Mücahidləri Təşkilatı) əməkdaşlıqda ittiham olunub.

Qeyd edək ki, aralarında dörd Nobel mükafatı laureatı, bir neçə keçmiş prezident və baş nazirin də olduğu 400-dən çox tanınmış qadın dekabrın 23-də İranı "adambaşına düşən göstəriciyə görə dünyada qadınların edamına görə birinci ölkə" adlandırıb.

Cari ildə İranda 1600-dən çox məhbus edam edilib, onlardan 44-ü qadındır və edam edilənlərin arasında siyasi əqidələrinə görə həbs edilən şəxslərin də adları var.

Xatırladaq ki, təhlükəsizlik məmurları bu ilin 17 aprelində Zəhra Şahbaz Təbərinin evinə hücum edərək onu saxlayıb və təhlükəsizlik təcridxanasında dindirdikdən sonra Rəşt şəhərinin Lakan həbsxanasına köçürüblər.

Onun ailəsi, məhbusa qarşı irəli sürülən ittihamların saxta olduğunu bldiribjər.

Təbəri, elektrik mühəndisi və İran Mühəndislik Sistemləri Təşkilatının üzvüdür. O, magistr dərəcəsini İsveçin Boras Universitetində "Davamlı Enerji" ixtisası üzrə alıb.

GünazTV

GUNAZ.TV

SON XƏBƏRLƏR