Contact Us

SON XƏBƏRLƏR

Financial Times: İranın yenidənqurma üçün pulu yoxdur

2026.10.29, 18:33
Financial Times: İranın yenidənqurma üçün pulu yoxdur

Gunaz.tv

“Financial Times” qəzetinin yazdığına görə, İranın dağıdılmış binaların yenidən qurulması üçün kifayət qədər büdcəsi yoxdur. 

ABŞ və İsrailin bombardmanları nəticəsində Tehranda dağılan evlərin bərpası dövlət vəsaiti hesabına deyil, özəl tikinti şirkətlərinin maliyyəsi ilə həyata keçirilir.

Qəzetin məlumatına görə, sanksiyalar altında olan İran hökumətinin yenidənqurma işləri üçün kifayət qədər maliyyə resursları yoxdur. 

Buna görə də Tehran bələdiyyəsi tikinti şirkətləri ilə müqavilələr bağlayır. 

Bərpa xərclərini öz üzərinə götürən şirkətlərə binaları əvvəlkindən 50 faiz daha böyük tikmək və əlavə sahəni öz mülkiyyətində saxlamaq imkanı verilir.

Bələdiyyənin diqqəti tamamilə dağıdılmış, ümumilikdə 2 mindən çox mənzili əhatə edən təxminən 500 yaşayış binasının bərpasına yönəlib.

Bələdiyyə 50 mindən çox zərər görmüş mənzilin əksəriyyətinin təmir edildiyini iddia etsə də, bu iddianı təsdiqləyən sənədlər təqdim edilməyib.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar