Traktorun kapitanı : Heç bir komanda Traktor klubu qədər düşmənçiliklə üzləşmir – ölkənin bütün stadionlarında türklər təhqir olunur

SON XƏBƏRLƏR

Traktorun kapitanı : Heç bir komanda Traktor klubu qədər düşmənçiliklə üzləşmir – ölkənin bütün stadionlarında türklər təhqir olunur

2026.11.08, 14:14

Gunaz.tv

Güney Azərbaycanın Traktor futbol klubunun kapitanı Şüca Xəlilzadə komandaya qarşı təzyiqlər və ayrı-seçkiliklə bağlı tənqidi açıqlamalar verərək Təbriz rəsmilərinin Traktoru müdafiə etməməsindən narazılığını bildirib.

Xəlilzadə Təbriz rəsmilərinə müraciət edərək deyib: “Traktor sizin komandanızdır, onun haqqını tapdalayıblar. Niyə Bandar Ənzəlidə Malavanla əvvəlki oyunda federasiyanın nümayəndəsi stadionda yox idi, amma indi Traktorun Təbrizdəki oyununa nümayəndə gəlib? Bizim namusumuza qarşı təhqirlər səsləndirilib, türklərə qarşı etnik təhqirlər edilib. Buna kim cavab verməlidir?”

O, Traktorun və türklərin hüquqlarını müdafiə etmək üçün mübarizə apardığını vurğulayaraq deyib: “Mən türk deyiləm, amma türklər üçün mübarizə aparıram və Traktorun haqqını alacağam. Anamın canına and olsun, heç bir komandanın Traktor qədər düşməni olduğunu görməmişəm”.

Traktorun kapitanı ölkənin bütün stadionlarında türklərin təhqir edildiyini bildirərək soruşub: “Türklərə qarşı bu təhqirlərin qarşısını almaq üçün hansınız qanun qəbul etmisiniz? Ənzəlidə bizi təhqir etdilər, amma xallarımızı azaltdılar. Futbolda belə bir şey görməmişəm”.

Xəlilzadə sonda bildirib: “Bizim günahımız türklər üçün oynamağımızdır. Türklər də insandır və bu torpağın övladlarıdır”.

GunAz TV
R.G

GUNAZ.TV

SON XƏBƏRLƏR