İsrail: Likud və Kadima qələbələrini bəyan edirlər

SON XƏBƏRLƏR

İsrail: Likud və Kadima qələbələrini bəyan edirlər

2021.10.20, 07:36

Gunaz.tv

İsrail: Likud və Kadima qələbələrini bəyan edirlər

İsraildə keçirilmiş ümumi seçkilərdə hər iki aparıcı partiya - Likud və Kadima - qələbə əldə etdiklərini bəyan ediblər. Səslərin əksəriyyəti artıq hesablanıb və bu iki partiyadan heç biri aydın qələbə qazanmaq üçün kifayət qədər səs toplamayıblar. İndi onlara koalisiyadakı nisbətən kiçik partiyaların dəstəyi lazım olacaq. Kadima partiyasının lideri, hazırkı xarici işlər naziri Tsipi Livni bəyan edib ki, o, xalqı irəliyə aparmağa hazırdır. Likud partiyasının lideri Benyamin Netanyahu isə, onun ifadə etdiyi kimi, millətçi düşərgənin qələbəsini elan edib. Müxdbirlər deyirlər ki, yeni hökumətin formalaşması bir neçə həftə çəkə bilər. BBC-nin diplomatik məsələlər üzrə təhlilçisi Jonatan Markusun dediyinə görə, bu seçkilərdə Likud partiyasının lideri Benyamin Netanyahu qələbə əldə edib baş nazir seçilərsə, bu, İsrail demokratiyası üçün ən ağır nəticə olacaq. Hələ ki, bir şey tam aydındır ki, koalisiya hökuməti yaradılacaq, özü də ki, 3 aparıcı siyasi partiyadan ibarət bir koalisiya: Kadima, Likud və Əmək partiyalarından. Bu isə 120 yerlik Knessetdə, yəni, parlamentdə rahatlıqla yer çoxluğunu təmin etmiş olacaq. Belə bir koalisiya Aviqdor Libermanın başçlıq etdiyi və millətçi partiya sayılan Yurdumuz İsrail partiyasının imkanlarını bir qədər məhdudlaşdırmış olacaq. Bir çox İsrail liberalları Libermanı ölkə demokratiyasına hədə hesab edirlər. Yeni koalisiya eləcə də dövlətin üzləşdiyi bir sıra ciddi problemlərin qayğısına qalmalı olacaq. Bunlar, iqtisadiyyat, sülh prosesinin gələcəyi və yeni Vaşinqton administrasiyası ilə münasibətlər kimi məsələlərdir. Bununla belə, hökumət başqa bir yolla seçiləcəkdir. Səsvermənin yekun nəticələri məlum olan kimi, prezident, kimin koalisiya hökuməti yarada biləcəyini müəyyən etmək partiya liderləri ilə məsləhətləşmələr aparacaq. Və heç də şərt deyil ki, bu, ən böyük partiyanın lideri olsun. Likud partiyası, bütün əlamətlərə görə, seçkilərdən əvvəl ölkənin ən güclü ortodoks yəhudi partiyası olan Şas-la sövdələşmə əldə edib. Çox şey Yurdumuz İsrail partiyasının lideri Aviqdor Libermanın prezidentə nə deyəcəyindən asılı olacaq. Məhz onun əsas partiyalardan hansına meyl göstərəcəyi koalisiya hökumətinin kim tərəfindən təşkil edilməsi qərarına təsir edə bilər. Bu arada fələstin rəsmiləri İsrail seçkilərindən bir şey gözləmədiklərini deyiblər.

GUNAZ.TV

SON XƏBƏRLƏR