Contact Us

SON XƏBƏRLƏR

Milli fəal Həsən Əsədi barəsində heç bir xəbər yoxdur

2021.10.20, 07:36
Milli fəal Həsən Əsədi barəsində heç bir xəbər yoxdur

Gunaz.tv
Milli fəal Həsən Əsədi barəsində heç bir xəbər yoxdur 2009-02-05_10438.jpg Bu il yanvarın 20-də Güney Azərbaycanın Təbriz şəhərində həbs olunmuş milli fəal Həsən Əsədi barəsində heç bir məlumat verilmir. “Ettelaat” əməkdaşlarının saxladığı soydaşımızın ailəsinin bu istiqamətində səyləri nəticəsiz qalıb. Hətta İran adlanan yerin təhlükəsizlik orqanı onun barəsində xarici kütləvi informasiyalarına məlumat ötürülməməsi üçün Həsən Əsədinin yaxınlarını təhdid edib. Xatırladaq ki, Həsən Əsədi yanvarın 19-da (deyin 30-da) məhkəməyə çağrılıb. Məhkəməyə qeyri-qanuni çağırılmasına və ona qarşı irəli sürülən əsassız ittihamlara etiraz əlaməti olaraq soydaşımız məhkəməyə getməkdən imtina edib. Həsən Əsədinin məhkəməyə getməməsi barədə həmin qurum heç bir xəbərdarlıq təqdim etmədiyi halda, yanvarın 20-də (bəhmənin 1-i) “Ettelaat” əməkdaşları onun evinə basqın düzənləyərək milli fəalı özlərilə aparıblar. Həsən Əsədi saxlanılmasına etiraz əlaməti olaraq müqavimət gostərib. Şahidlərin dediyinə görə, milli fəal “bozqurd” işarəsi tutaraq uca səslə “Rədd olsun işğalçı fars!”, “Yaşasın müstəqil Güney Azərbaycan!” şüarlarını səsləndirib. Qeyd edək ki, Həsən Əsədi 2007-ci ilin fevralında milli fəal Abbas Lisaninin həbsinə etiraz əlaməti olaraq Ərdəbil şəhər həbsxanasının qarşısında keçirilən aksiyada iştirak etdiyi üçün tutulub və 5 ay “Ettelaat”ın Ərdəbil və Təbriz şəhərlərindəki müvəqqəti istintaq təcridxanaları və həbsxanalarında işgəncəyə məruz qalıb. Bundan başqa, may hadisələrinin ildönümü ərəfəsində soydaşımız yenidən tutulub və daha dəhşətli işgəncələrə məruz qalıb. Onun cinsi orqanından 2 kiloqram ağırlığında daş asıblar, sonra da xüsusi işgəncə aləti olan "press" maşınının altına salıblar, dırnağını çəkiblər. İşgəncələrin şiddətindən komaya düşən Həsən Əsədi Təbrizdəki "Ustad Alinəsəb" hospitalına aparılıb. özü də Həsən Əsədi Güney Azərbaycan İstiqlal Partiyasının üzvü olmaqda və "hakimiyyətə qarşı aktiv fəaliyyət"də günahlandırılır.

SEÇİLMİŞ XƏBƏRLƏR

Çox oxunanlar