Contact Us

SON XƏBƏRLƏR

TÜRK SERİALLARININ DUBLYAJINA TÜRKİYƏDƏN REAKSİYA GƏLDİ

2021.10.20, 07:36
TÜRK SERİALLARININ DUBLYAJINA TÜRKİYƏDƏN REAKSİYA GƏLDİ

Gunaz.tv
TÜRK SERİALLARININ DUBLYAJINA TÜRKİYƏDƏN REAKSİYA GƏLDİ Abdurrahman Canpolad: “Azərbaycanda yayım haqqında qanuna dəyişiklik edilməlidir” 6601.jpg Türkiyə Radio Televizyon Üst Kurulu (RTUK) yetkilisi Azərbaycanda türk dilinə qoyulan qadağaya münasibət bildirib. Xatırladaq ki, Milli Teleradio Şurasının qərarı ilə bu ilin yanvarından türk serialları Azərbaycanda ancaq dublyaj olunduqdan sonra yayımlana bilər. RTUK-nın izləmə-dəyərləndirmə və xarici dillərdə yayıma nəzarət şöbəsinin rəhbəri Abdurrahman Canpolad Türkiyədə ezamiyyətdə olan əməkdaşımıza bildirib ki, dünyanın əksər ölkələrində başqa dillərdə verilişlər yayılır: “Müəyyən çərçivəni keçmədən belə yayımlar Türkiyədə də var. Məsələn, TRT başqa dillərdə də verilişlər yayır və s. Azərbaycanda türk dilində yayımın olması üçün yayım haqda qanuna dəyişiklik edilməlidir. Başqa ölkələrdə bu belədir. Məsələn, Yunanıstanda yayımın 40, İspaniyada yayımın 60 faizi başqa dil və ləhcələrdədir. Azərbaycanda da türk dilində verilişlərin sərbəst yayımlanması üçün qanundakı qadağa aradan götürülməli və ora əlavə maddə salınmalıdır”. A.Canpolad bildirib ki, MTRŞ ilə bu məsələləri RTUK-nın Yusuf Turan adlı səlahiyyətlisi müzakirə edir: “MTRŞ-dən bura gəliblər, Yusuf Turan ora gedib və bu məsələlər hələ müzakirə olunur. Amma daha ətraflı bilgi vermək üçün Yusuf Turanla əlaqə saxlayın”. Qeyd edək ki, Y.Turanla hələlik əlaqə saxlaya bilməmişik və ondan danışıqların nə yerdə olduğunu öyrənməyə çalışacağıq. Zabil MÜQABİLOĞLU, İstanbul musavat

SEÇİLMİŞ XƏBƏRLƏR

Çox oxunanlar