Şaumyanın 1919-cu ildə hərbi əsir olmasını təsdiqləyən sənəd tapıldı!

SON XƏBƏRLƏR

Şaumyanın 1919-cu ildə hərbi əsir olmasını təsdiqləyən sənəd tapıldı! - FOTO

2021.10.20, 07:36

Gunaz.tv

Şaumyanın 1919-cu ildə hərbi əsir olmasını təsdiqləyən sənəd tapıldı! - FOTO

AMEA Tarix İnstitutunun Milli Arxiv İdarəsi ilə birlikdə apardığı tədqiqat maraqlı nəticələr verib Bu gün Azərbaycan Milli Elmlər Akademiyası (AMEA) Tarix İnstitutunda “Sahil bağı”ndakı məzarlıqdan çıxarılmış 23 cəsədin KİV-də müzakirəyə səbəb olması ilə bağlı Elmi Şuranın genişləndirilmiş iclası keçirilib. Lent.az-ın xəbərinə görə, institutun direktoru Yaqub Mahmudov deyib ki, məzarlıqdakı cəsədlərin 20-50 yaş arasında olması ilə tarix ədəbiyyatında “26 Bakı komissarları” kimi təqdim olunan şəxslərin yaş hədləri də uyğun gəlir: “Daha doğrusu, üst-üstə düşür. Çatışmayan 3 nəfərə gəldikdə isə “26-lar”ın siyahısı ilə tutuşdurulduqda məlum olur ki, onların içərisində 39-dan yuxarı yaş həddində 3 nəfər vardı: Şaumyan – 40 yaş, Əzizbəyov – 42 yaş və Əmiryan – 45 yaş. Ekspertlər fotomateriallar da nəzərə alınmaqla apardıqları araşdırmalardan sonra bildirdilər ki, həmin yaş həddində olan 1 nəfərin cəsədinin Əzizbəyova aid olması inkar edilmir”.

Yaqub Mahmudov institutun Milli Arxiv İdarəsi ilə birlikdə aparmağa başladığı tədqiqat işlərinin artıq bəzi maraqlı nəticələr verdiyini deyib. O, “26 Bakı komissarları”nın başçısı Stepan Şaumyanın 1919-cu ilin martında hərbi əsir olmasını təsdiq edən bir sənəd – teleqramın aşkar olunduğunu bildirib. Y.Mahmudov Bakı Sovetinin arxivində saxlanılan və 1934-cü ildə Ermənistan hökumətinin Krasnovodskda “26-lar”a abidə qoyulması üçün 150 min manat vəsait ayırdığını sübut edən sənəd haqqında da məlumat verib. Pərvin ABBASOV LENT.AZ

GUNAZ.TV

SON XƏBƏRLƏR