İran yenidən diqqət mərkəzində

SON XƏBƏRLƏR

İran yenidən diqqət mərkəzində

2021.10.20, 07:36

Gunaz.tv

İran yenidən diqqət mərkəzində

İranın ilk süni peykini kosmosa buraxması qərbi narahat edir. Bu məsələdə maraqlı olan Birləmiş Ştatlar rəsmi Tehranı beynəlxalq içtimaiyyətin səmərəli üzvü olmağa çağırıb. Dövlət katibi Hillari Klinton İranın atdığı addımların narahatlıq doğurduğunu və Vaşinqtonun Tehrana yönəlik təcrid siyasətini dəyişdirəcəyini bəyan edib. Kosmik sənayesinin inkişafı barədə çıxış edən İranın xarici işlər naziri Mənuçöhr Mottaki proqramın yalnız dinc məqsəd daşıdığını bildirib. Efiopiyanın paytaxtı Əddis-Əbabada keçirilən Afrika Birliyi sammitdə iştirak edən İranın xarici işlər naziri Mənuçöhr Mottaki peykin hərbi məqsəd üçün istifadə olunmayacağını deyib. Mənuçöhr Mottaki ölkəsinin hərbi gücünü yalnız müdafiə xarakteri daşıdığını və Corc Buşun İranın nüvə proqramını dayandırmaq istiqamətində böyük yalanlar uydurduğunu da deyib. İranın son kosmik uğuru isə qərbi daha da narahat etməyə başlayıb. Nüvə problemiylə məşğul olan altılıq ölkələri bu gün Almaniyada İran məsələsini müzakirə edəcəklər. Vaşinqtonda avropalı həmkarlarıyla danışıqlar aparmış Amerikanın dövlət katibi Hillari Klinton İranı düzgün siyasət yürütməyə çağırıb. Hilllari Klintonla Vaşinqtonda danışıq aparan Almaniyanın xarici işlər naziri Frank Volter Ştaynmayer İranın hazırkı texniki potensialını nəzərə alaraq İrandakı prosesləri diqqətlə müşahidə olunmasının önəmini vurğulayıb. «İran tək regionda deyil bütün dünyada qüdrətli dövlətə çevrilib. Bunu bir çox dövlətlər nəzərə almalı və İranla düşmənçilik aparmağın xeyri olmadığını anlamalıdır». Bu sözləri İranın prezidenti Mahmud Əhmədi Nicat ölkə parlamenti qarşısında çıxış edərkən bildirib. Prezident əsas diqqəti iki gün əvvəl orbitə çıxarılan kosmik peyikə yönəldərək deyib ki, bu hadisə ölkədə elmin yüksək səviyyəyə çatdığından xəbər verir. «İranın gənc alimləri çox böyük işlər gördülər. Bununla da İran dünyanın çox məhdud ölkələr siyahısına düşdü» deyən Əhmədi Nicat daha sonra peykin texniki parametrlərindən danışıb. Onun sözlərinə görə, 35 min kolmetr yüksəkliyə çıxarılan «Ümid» peykinin çəkisi 400 kloqramdır.

GUNAZ.TV

SON XƏBƏRLƏR