Panfarsistlər bütün istiqamətlərdə Milli Hərəkata qarşı hücuma keçib

SON XƏBƏRLƏR

Panfarsistlər bütün istiqamətlərdə Milli Hərəkata qarşı hücuma keçib

2021.10.20, 07:36

Gunaz.tv

Panfarsistlər bütün istiqamətlərdə Milli Hərəkata qarşı hücuma keçib

Son vaxtlar İran adlanan yerdəki fars şovinist rejimi bütün istiqamətlərdə Güney Azərbaycan Milli Hərəkatına qarşı hücuma keçib. Öz milli haqlarını tələb edən, müstəqil olmaq istəyən 35 milyonluq Azərbaycan türkləri yenidən təhqir olunmağa başlanıb. İran adlanan yerin mürtəce rejimi Güney Azərbaycan xalqına gücü çatdığı pisliyi etməkdədir. İran adlanan yerin daxilində, xaricdə fəaliyyət göstərən Güney təşkilatlarının fəaliyyətinə əngəllər yaradılır, milli fəallar repressiyalara məruz qalırlar. Fars şovinist rejimi yaranmış fürsətdən maksimum yararlanıb Güney Azərbaycan Milli Hərəkatını birdəfəlik sıradan çıxarmaq, İran adlanan yeri fars dövlətinə çevirmək istəyən panfarsistlərin mürtəce planına əngəl olacaq bir güc buraxmamağı qarşısına məqsəd qoyub. Fars şovinist rejimi tək türkləri deyil, bəlucları, ərəbləri, kürdləri də hədəfə alıb. Qeyri-millətlərin (məsələn, ərəblərlə kürdlərin) arxalarında çoxsaylı ərəb dövlətləri və diaspora var. Güney Azərbaycan türkünün yeganə ümid yeri isə Quzey Azərbaycan Respublikası və xaricdəki diaspora təşkilatlarımızdır. Müəyyən səbəblərdən Azərbaycan dövləti Güney Azərbaycan məsələsinə girişə bilmir. Baxmayaraq ki, İran adlanan yerdə çap olunan və panfarsistlərin nəzarətində olan mətbu orqanlar Güney Azərbaycan Milli Hərəkatının Bakıdan yönləndirildiyini iddia edirlər. Dağlıq Qarabağ kimi problemi olan Azərbaycan dövlətinin Güney məsələsində tələbkar mövqedən çıxış edə bilməməsi anlaşılandır. Anlaşılan olmayan beynəlxalq təşkilatlara, gündəlik çap olunan qəzetlərə malik siyasi partiyaların, qeyri-hökumət təşkilatlarının Güney Azərbaycan məsələsində passivliyidir. Milli Azadlıq Hərəkatının lideri Əbülfəz Elçibəyin ölümündən sonra partiyalar, müxalifət qüvvələri Güney məsələsinə diqqəti azaldıb. Xalq Cəbhəsinin şinelindən çıxmış partiyalırn əksəriyyəti susqundur, "avropalaşmış" bəzi partiyalar isə ümumiyyətlə, Bütöv Azərbaycan məsələsini proqramlarından çıxarıblar. 2006-cı ilin may hadisələri zamanı Quzey ictimaiyyəti xeyli fəallaşdı, siyasi partiyalar, KİV-lər Güney məsələsinə diqqəti artırdı. Hər yerdə, Bakıda da casus şəbəkəsi saxlayan fars şovinist rejimi Güney Azərbaycan məsələsi ilə məşğul olan insanlara, təşkilatlara cürbəcür maneələr yaradır. Amma burada qəribə bir şey yoxdur. Düşmən bildiyi pisliyi edəcək. Bütöv Azərbaycan ideyası müqəddəsdir. Güneydə Azərbaycan türklərinin şərəf davası gedir. Bu davada soydaşlarmızın yanında olmayacağıqsa, onlara dəstək verməyəcəyiksə, özümüzə millətçi, elçibəyçi deməyə haqqımız yoxdur / Aydın, Oaylar /

GUNAZ.TV

SON XƏBƏRLƏR