RUSİYA MİLYARDERLƏRİ 230 MİLYARD DOLLAR İTİRİB

SON XƏBƏRLƏR

RUSİYA MİLYARDERLƏRİ 230 MİLYARD DOLLAR İTİRİB

2021.10.20, 07:36

Gunaz.tv

RUSİYA MİLYARDERLƏRİ 230 MİLYARD DOLLAR İTİRİB Gələn il onların bir çoxu “Forbes”in siyahısında yer almaya bilər

“Smart Money” jurnalı davam etməkdə olan maliyyə və iqtisadi böhran nəticəsində Rusiyanın iri biznesmenlərinin nə qədər pul itirdiklərini hesablayıb. Jurnalın məlumatına görə, ən çox itirən Rusiyanın ən varlı adamlarından biri sayılan “Rusal” şirkətinin sahibi, “Nornikel” şirkətinin ən iri səhmdarlarından biri Oleq Deripaskadır. Onun aktivləri cəmi 28.4 milyard dollar həcmində ucuzlaşıb. Deripaskanı artıq müflis də hesab etmək olar. Jurnalın yazdığına görə, Deripaskadan sonra ən çox itirən Rusiyanın iri metallurgiya şirkətlərindən birinin sahibi Vladimir Lisindir. Onun əlindəki səhmlərin dəyəri 21.7 milyard dollar ucuzlaşıb. “Severstal” polad şirkətinin sahibi Aleksey Mordaşev isə 16.6 milyard dollar kasıblayıb. Jurnalın hesablamalarıa görə, Çukotkanın keçmiş qubernatoru Roman Abramoviç 15.1, özbək əsilli milyarder Əlişir Osmanov 14.4, “Alfa-qrup”un prezidenti Mixail Frdman 13.4, “İnterros” holdinqin sahibi Vladimir Potanin 13.2 milyard dollar itiriblər. Azərbaycanlı, “LUKoyl” şirkətinin prezidenti Vahid Ələkbərov isə 10 milyard dollara yaxın ziyana düşüb. “İnternational Herald Tribune” qəzetinə açqılamasında rusiyalı bankirlərdən biri deyib ki, Rusiyadakı oyunlar dünyada keçmir. (“Azadlıq” radiosu) Söhbət Rusiya varlılarının indiki dünya iqtisadi böhranında itkilərindən gedir. “Bloomberg” iqtisadi xəbərlər agentliyi hesablayıb ki, “Forbes” jurnalının dünyanın ən varlı adamları siyahısında olan 25 Rusiya oliqarxı indiki böhranda 230 milyard dollar itiriblər.” “Forbes” jurnalında olan Rusiya milyardçılarının yarısı gələn ilə bu siyahıdan çıxa bilər". Bunu isə “Forbes”in Moskvada rus dilində çıxan variantının redaktoru Maksim Xaşulinski deyir. Rusiya oliqarxlarına dəyən ziyanın səbəbi təkcə dünyadakı iqtisadi böhranla bağlı metalın, neftin və səhmlərin qiymətinin düşməsi deyil. Keçən həftə bu ölkənin Mərkəzi Bankı hesabat verib ki, ölkə şirkətləri bu il xarici banklara 47 milyard dollar, gələn il isə 160 milyard borc faizi qaytarmalıdırlar. Məsələn, Rusiyanın ən varlı adamı Deripaska elə bu yaxınlarda - aprel ayında “Raiffeisenbank”dan 500 milyard avro borc almışdı ki, “Norilsk Nikel” şirkətində 25 faiz pay alsın və özünün Avstriyadakı tikinti şirkətini maliyyələşdirsin. İndi Deripaskanın “Norilsk Nikel”dəki payının qiyməti vur-tut 2 milyard yarım dollara düşüb, Avstriyada da tikinti getmir.

GUNAZ.TV

SON XƏBƏRLƏR