Contact Us

SON XƏBƏRLƏR

PREZİDENTLİYƏ İDDİA EDƏN AZƏRBAYCANLI: «ƏHMƏDİNEJAD BİR DAHA PREZİDENT SEÇİLSƏ, BU, ÖLKƏ ÜÇÜN FACİƏ OLACAQ»

2021.10.20, 07:36
PREZİDENTLİYƏ İDDİA EDƏN AZƏRBAYCANLI: «ƏHMƏDİNEJAD BİR DAHA PREZİDENT SEÇİLSƏ, BU, ÖLKƏ ÜÇÜN FACİƏ OLACAQ»

Gunaz.tv
PREZİDENTLİYƏ İDDİA EDƏN AZƏRBAYCANLI: «ƏHMƏDİNEJAD BİR DAHA PREZİDENT SEÇİLSƏ, BU, ÖLKƏ ÜÇÜN FACİƏ OLACAQ» İranda qarşıdan gələn prezident seçkisində namizədliyini irəli sürəcəyini bəyan etmiş təbrizli Azərbaycan türkü, keçmiş deputat Əkbər Ələmi hazırkı prezident Mahmud Əhmədinejadın siyasətini tənqid edib. akbaralami1.jpg Əkbər Ələmi «Media forum» saytının məlumatına görə, Milli Etimad Partiyasının tədbirinə qatılandan sonra jurnalistlərə açıqlamasında Ə.Ələmi M.Əhmədinejadın yenidən prezident vəzifəsində qalmasının faciə olacağını deyib: «Əhmədinejad prezidentliyə namizədliyini irəli sürsə və bir daha prezident seçilsə, bu, ölkə üçün faciə olacaq. Əhmədinejad İranı ən azı 30 il geri atıb. O, hazırda gördüyünüz ağır vəziyyətin yaranmasının səbəbkarıdır. Ölkənin icra strukturlarındakı önəmli vəzifələri öz yaxın adamları və onunla eyni fikirdə olan dostları arasında paylaşdırmaqla Əhmədinejad hər şeyi tənəzzülə uğradıb». Bununla belə, Ə.Ələmi Əhmədinejadın ürəyitəmiz insan olduğuna inandığını vurğulayıb: «Populist üsullardan istifadə etməsinə baxmayaraq mən onun pak və mömin bir insan olduğuna inanıram. Lakin bir həqiqəti nəzərə almaq lazımdır ki, o, prezidentlik üçün yaranmayıb. O, başqa bir vəzifədə, məsələn, Həcc və Vəqflər Təşkilatının sədri vəzifəsində işləsəydi, daha yaxşı olardı». İranda növbəti prezident seçkisi 2009-cu il iyunun 12-də keçiriləcək. Ə.Ələmi prezidentliyə namizədliyini irəli sürəcəyini oktyabrın 16-da bəyan edib. Ə.Ələminin iqtisadiyyat, beynəlxalq iqtisadi əlaqələr və hüquq ixtisasları üzrə ali təhsili var. Siyasətə 1979-cu il islam inqilabından əvvəl qoşulub. İnqilabdan sonra İran İnqilab Keşikçiləri Korpusunun («Sepah») Tehran bölməsində mədəniyyət və siyasət işləri üzrə məsul olub. Tehran aeroportunun mühafizə xidmətinə başçılıq edib. 33 ay hökumət tərəfdarı olan könüllülər dəstəsinin - «Bəsic»in üzvü kimi İran-İraq müharibəsində vuruşub. Cəbhədə bir neçə dəfə yaralanıb. Daxili İşlər Nazirliyində bir neçə idarədə rəis müavini olub. 8 il jurnalist kimi fəaliyyət göstərib. İki dəfə İran parlamentinin deputatı seçilib. «Media forum»

SEÇİLMİŞ XƏBƏRLƏR

Çox oxunanlar