Contact Us

SON XƏBƏRLƏR

Türkmənistanın qaz ixracı potensialı təxminən 7 trilyon kub metr artıb

2021.10.20, 07:36
Türkmənistanın qaz ixracı potensialı təxminən 7 trilyon kub metr artıb

Gunaz.tv
Türkmənistanın qaz ixracı potensialı təxminən 7 trilyon kub metr artıb 20071015150903caspian_map203.jpg Türkmənistanın qaz ixracı potensialı təxminən 7 trilyon kub metr artıb. Britaniyanın Qafni, Klayn and Associates şirkəti bu ölkənin şərqində qaz ehtiyatlarının auditini aparıb. Britaniyanın Gaffney, Cline & Associates (GCA) şirkəti aşkar edib ki, cənubi Yeloten Osman qaz yatağında 7 trilyon kub metr qaz var və 675 milyard kub metr qaz isə Yaşlar yatağında mövcuddur. GCA şirkətinin prezidenti Jim Gulliet bu məlumatı Türkmənistan prezidentinə dünən keçirilən hökumət toplantısında verib. Cənab Gulliet deyib ki, cənubi Yeloten Osman yatağı artıq öz ehtiyatlarına görə dünyada dördüncü və ya beşinci zəngin qaz yatağı hesab oluna bilər. Türkmənistan prezidenti Qurbanqulu Berdimuhammedov deyib ki, bu hesabat ölkənin yanacaq və enerji sektorunda planlaşdırılan layihələrin həyata keçirilməsi üçün kifayət qədər ehtiyatların olduğunu göstərib. "Neft və qaz yataqlarının beynəlxalq auditi mineral ehtiyatlarn işlənməsi və qaz kəmərlərinin tikilməsi layilərəndə iştirak edəcək xarici investorlara lazimi təminatı verəcək" - deyib cənab Berdimuhammedov. Yeloten Osman yatağındakı qaz ehtiyatlarını Türkmənistanın bu vaxta qədər ən iri qaz yatağı sayılan Dövlətabadla müqayisə edən Britaniyalı mütəxəssis deyib ki, yeni ehtiyatlar Dövlətabaddakından 5 dəfə artıqdır. Son on illikdə Dövlətabad Türkmən qazının Rusiyaya nəqlində əsas mənbə olub. Ötən il bu yataqdan alınmış 42 milyard kub metr qaz Rusiyaya ixrac olunub. Öz qazını əsasən Rusiyanın Qazprom monopoliyasına satan Türkmənistanın qaz ixracı barədə ambisiyalı planları var. Rusiyaya qaz daşıyan kəmərdən başqa hazırda Türkmənistanda Çin qaz kəməri tikilir. Digər 3 kəmər layihəsi isə hələ layihə mərhələsindədir. Bunlar Rusiyaya qaz daşıyacaq Xəzər kəməri, Avropanın layihəsi olan trans-xəzər və türkmən qazını Pakistan və Hindistana nəql edəcək trans-əfqan qaz kəməri layihələridir. bbc

SEÇİLMİŞ XƏBƏRLƏR

Çox oxunanlar