Contact Us

SON XƏBƏRLƏR

Mətbuat Şurası seçkiyə 24 saat qalmış bütün mətbu orqanlarını təbliğat-təşviqat xarakterli məlumatları dayandırmağa çağırıb

2021.10.20, 07:36
Mətbuat Şurası seçkiyə 24 saat qalmış bütün mətbu orqanlarını təbliğat-təşviqat xarakterli məlumatları dayandırmağa çağırıb

Gunaz.tv
Mətbuat Şurası seçkiyə 24 saat qalmış bütün mətbu orqanlarını təbliğat-təşviqat xarakterli məlumatları dayandırmağa çağırıb msh.jpg Mətbuat Şurası «Prezident seçkisi və kütləvi informasiya vasitələri» mövzusunda konfrans keçirib Azərbaycan Mətbuat Şurasının təşkilatçılığı ilə «Prezident seçkisi və kütləvi informasiya vasitələri» mövzusunda bu gün konfrans keçirilib. Mətbuat Şurasınını sədri Əflatun Amaşov bildirib ki, tədbirin keçirilməsində məqsəd - səsvermə günü KİV-lərin fəaliyyəti, seçki prosesini işıqlandırma qaydaları və prezident seçkisi ilə əlaqədar «qaynar xətt»in yaradılması barədə məlumat verməkdir. Onun sözlərinə görə, seçki günü jurnalistlərin prosesi izləməsi üçün lazım olan bütün şərait yaradılacaq. «Jurnalistlər prosesi izləyə və səsvermənin nəticələri ilə bağlı hər iki saatdan bir statistik məlumat ala biləcəklər. Günün sonunuda isə seçkinin nəticələri ilə bağlı mətbuat konfransı keçiriləcək». MSK üzvü Azər Tağıyev isə indiyədək ölkədə keçirilən seçkilərdə mətbuatın rolunu yüksək dəyərləndirib. O bildirib ki, jurnalistlər nəticələr, protokollar və yekun aktlar ilə tanış olacaqlar. Seçki haqqında qanunları şərh edən MSK üzvü qeyd edib ki, elektron mətbuat orqanları seçkiyə 24 saat qalmış heç bir təbliğat materialını verməməlidir». Seçkilərin şəffaf və demokratik keçirilməsində jurnalistlərin rolundan danışan MSK üzvünün sözlərinə görə, seçkilər qanunvericiliyin tələblərinə uyğun olaraq işıqlandırılacaq. «Qanun pozuntularına yol verilərsə, Mətbuat Qrupu tərəfindən bu, arşdırılacaq. Jurnaltslər öz hüquq və vəzifəlrini bilməlidir ki, yaranmış neqativ halları nəzərdən qaçırmasınlar. Əgər jurnalistə seçki protokolları təqdim edilməzsə, daxil olan şikaytlər MSK-da müzakirə olunacaq». Azər Tağıyevin sözlərinə görə, artıq seçkilərlə bağlı təşviqat qanunvericiliyin tələbinə görə bu günün sonunda yekunlaşacaq. «Sabahdan etibarən təşviqatla bağlı aparılan hər hansı bir tədbir seçki məcəlləsinin tələblərinə zidd hesab ediləcək. Həmçinin digər kütləvi tədbirlərin həyata keçirilməsi də, yolverilməzdir. Bu gündən seçicilərin lehinə və əleyhinə olan materiallar da dərc edilə bilməz»-, deyə o, bildirib. Konfransda Mətbuat Şurasının, KİV-lərin rəhbərləri, Mərkəzi Seçki Komissiyasının nümayəndələri iştirak ediblər. Gülnaz Qənbərli ANS PRESS

SEÇİLMİŞ XƏBƏRLƏR

Çox oxunanlar