Contact Us

SON XƏBƏRLƏR

AVROPA BİRLİYİ TÜRKİYƏNİ “NABUKKO”YA CİDDİ YANAŞMAĞA ÇAĞIRDI

2021.10.20, 07:36
AVROPA BİRLİYİ TÜRKİYƏNİ “NABUKKO”YA CİDDİ YANAŞMAĞA ÇAĞIRDI

Gunaz.tv
AVROPA BİRLİYİ TÜRKİYƏNİ “NABUKKO”YA CİDDİ YANAŞMAĞA ÇAĞIRDI ABŞ da Azərbaycan qazının Avropaya nəqlinə dair tezliklə razılaşma əldə olunacağını gözləyir 3316.jpg “Türkiyə ”Nabukko" layihəsi üzrə danışıqlarda vaxtı uzatmamalı və 12 milyard dollarlıq qaz kəməri layihəsini həyata keçirmək üçün məsələyə ciddi yanaşmalıdır". “Röyter” agentliyinin məlumatına görə, bu barədə Avropa Birliyinin genişlənmə məsələləri üzrə komissarı Olli Rehn bildirib: “Mən Türkiyəni ”Nabukko" kəmərini planlaşdırıldığı kimi, 2013-cü ildə istifadəyə verə bilmək üçün danışıqlara ciddi yanaşmağa çağırıram. İndiyədək boş yerə çox vaxt itirilib və bütün bunlar layihənin perspektivlərinə mane olur". Agentliyin məlumatıan görə, Türkiyə “Nabukko” layihəsinə dair danışıqlarda ağır şərtlər irəli sürür, yüksək tranzit haqqı tələb edir və kəmərlə nəql olunacaq qazın bir hissəsini daxili tələbata yönəltmək üçün götürmək istəyir. “Nabukko” layihəsinə dair Azərbaycanla Türkiyə arasında da danışıqlar çətin keçir. Bəzi analitiklərə görə, Gürcüstan ətrafında yaranmış vəziyyətə əlavə olaraq Türkiyənin bu cür mövqeyi “Nabukko” kəmərinin perspektivlərini şübhə altında qoyub. Lakin ABŞ bu layihənin həyata keçiriləcəyinə inanır. “Assoşeyted press” agentliyinin xəbərinə görə, Birləşmiş Ştatların enerji məsələləri üzrə yüksək səlahiyyətli rəsmisi bəyan edib ki, Orta Asiya və Azərbaycan qazının Rusiyadan yan keçməklə Avropaya nəqlinə dair razılaşma tezliklə əldə oluna bilər. ABŞ prezidentinin Avrasiya regionunda enerji məsələləri üzrə xüsusi nümayəndəsi Boyden Qrey Romadakı çıxışı zamanı bildirib ki, regionun təbii qaz ehtiyatlarını Rusiyadan yan keçməklə Avropaya nəql edəcək kəmərlə bağlı razılaşmanın yaxın 6 ay ərzində əldə olunacağı gözlənilir: “Mən hesab edirəm ki, kəmərlərin Türkiyədən keçməsi üçün anlaşma əldə etmək mümkün olacaq”. B.Qrey hansı kəmərlərdən söhbət getdiyini deməyib. Lakin onun Türkiyə-Yunanıstan qaz kəmərinə işarə etdiyi məlum olub. Azərbaycan qazı 2012-ci ildən başlayaraq həmin kəmərlə Yunanıstana nəql olunmalıdır. Amerikalı diplomat onu da bildirib ki, Türkmənistan və digər Xəzəryanı ölkələrin qaz ehtiyatlarını Rusiyadan yan keçməklə Avropaya nəql edəcək “Nabukko” kəmərinin tikiləcəyinə də əmindir: “Həqiqət ondan ibarətdir ki, Xəzər regionunda kifayət qədər qaz ehtiyatları var, bu ehtiyatlar Türkiyə-Yunanıstan və ”Nabukko" kəmərlərinə bəs edəcək". Siyasət şöbəsi musavat

SEÇİLMİŞ XƏBƏRLƏR

Çox oxunanlar