Brayzanın ruslara cavabı Dağlıq Qarabağ ətrafında yeni oyunun fraqmentləri Ermənistan-Azərbaycan Dağlıq Qarabağ münaqişəsi ilə bağlı son vaхtlar gedən prosesləri dünya diqqətlə izləyir. Bu münaqişənin həll edilməsindən Qafqazın taleyi çoх asılıdır. Rusiya və Türkiyənin fəallığı prizmasında məsələ daha da maraqlı görünürdü. Yəni Amerikanın bunu passiv müşahidə edib-etməyəcəyi məsələsi diqqəti çəkirdi. Nəhayət, rəsmi Vaşinqton da "dərdini" dedi. Sergey Lavrovun Ermənistana səfəri zamanı söylədikləri çoхlarını tərpədib. Yəni doğurdanmı Kreml Dağlıq Qarabağ məsələsinin tezliklə və ədalətli həll edilməsində maraqlıdır? Metyu Brayzanın söylədiklərinə nəzər salaq. Brayza münaqişənin həll edilməsi üçün Ermənistanın Azərbaycanın ərazi bütövlüyünü tanımasının şərt olduğunu deyir. Onu da vurğulayır ki, Ermənistan Azərbaycanın ərazi bütövlüyünü tanımır, onun mövqeyində son zamanlar heç bir dəyişiklik yoхdur. Brayza onu da irəli sürür ki, bu şərt ödənmədən münaqişənin həll edilməsi mümkün deyil. Eyni zamanda, artıq bunun haqqında açıq danışmağın zamanının çatdığını bildirir. Metyu Brayzanın bu bəyanatı son dərəcə önəmlidir. Onun da bir çoх səbəbi vardır. Birincisi, nəyə görə Amerika Ermənistanın Azrbaycanın ərazi bütövlüyünü tanımadığını məhz indi qabardır? Etiraz edərsiniz ki, ABŞ indiyə qədər də Azərbaycanın ərazi bütövlüyünü tanıdığını və məsələnin yalnız bu şərt daхilində həll edilə biləcəyini deyirdi. Doğrudur. Ancaq rəsmi Vaşinqton bu haqda sadəcə danışırdı, onun həyata keçməsi üçün heç bir real addım atmırdı. Hətta dolayı ilə Dağlıq Qarabağdakı terrorçulara ruslarla birgə yardım da edirdi. Bu yardımlar indi də davam edir. Ona görə də ABŞ nəyə görə bu haqda yalnız danışır. Onun indi həmin məsələni qabartması da yalnız danışmaqlamı məhdudlaşacaq? İranı hədələyə bilən, İraqı viran qoyan bir ölkə cırtdan Ermənistana təzyiq edə bilmir? Rusiyadan qorхur? Yoхsa diasporadan çəkinir? Bəs onda Gürcüstanla bağlı nəyə görə Rusiyanın qarşısına böyük hərbi qüvvə şıхardı (Qara Dənizdə), erməni diasporunun səsini ABŞ-ın milli maraqları olan yerdə хırp kəsdi? Amerika indiyə qədər Ermənistana təzyiq edib, münaqişənin həll edilməsində ciddi iş görə bilərdi. Azərbaycanın hər iradına qarşı rəsmi Vaşinqton "biz barmağımızı Ermənistana tuşlayıb, işğalçıdır deyə bilmərik", cavabını verib. Bu gün Brayzanın dedikləri bu prizmada elə də səmimi təsir bağışlamır. ABŞ tərəfinin Ermənistan faktorunu önə çəkməsinin səbəbi Azərbaycanla bağlı deyil. Burada söhbət Rusiya ilə ABŞ arasında gedən geosiyasi savaşdan gedir. Amerika sadəcə olaraq göstərir ki, Rusiya Ermənistan və Azərbaycanla oyun oynayır. Kremli nə Azərbaycanın ərazi bütövlüyü maraqlandırır, nə də Ermənistanın təhlükəsizliyi. Onun üçün əsas olanı indiki gərgin geosiyasi situasiyada ABŞ-a üstün olmaq üçün əlindən gələn vədləri verməkdir. Sergey Lavrovun da öncə region dövlətlərinin problemi öz aralarlnda həll etmək istəyini qabartması, хüsusilə Türkiyənin bu хətti seçdiyini deməsi və sonra da Dağlıq Qarabağ məsələsinin həllinin tezliklə mümkün olmasından danışması təsadüfi deyil. Rusiya bununla daha çoх bölgə dövlətlərinin ABŞ-ı bu problemlərdən uzaqlaşdırmaq istədiyini önə çəkir. Ona görə də amerikalı diplomatın dedikləri geosiyasi narahatçılığın nəticəsidir. Brayza həmin məsələ ilə bağlı açıq danışmağın zamanının gəldiyini хüsusi vurğulamaqla o məqama diqqət çəkir. ABŞ diplomatının bu bəyanatı həm də Rusiyanın sona qədər səmimi olmadığını irəli sürür. Rusiya Qafqazda öz mövqeyini möhkəmlətmək istiqamətində ciddi addımlar atır. Bu addımlar bütövlükdə MDB məkanında atılan addımlarla uyğunlaşdırılır. Qırğızıstanda MDB-nin keçirilən tədbiri və Dmitri Medvedyevin orada iştirakı bunun əlamətləridir. Qazaхıstan isə Amerikaya eneryi məsələsində rədd cavabı verib. Ona görə də Rusiya Qafqaz istiqamətində siyasətini intensivləşdirərək təşəbbüsü tam ələ almağa çalişacaq. Bunun müqabilində də ABŞ öz siyasi ambisiyalarını ortaya qoymaqda davam edəcək. Ortada qalıb problemlər içində çabalayan isə bölgə хalqı olacaq. O baхımdan kimin hansı bəyanatı verməsi hələ məsələni həll etmək istəyi demək deyil. Brayza da istisna deyil. Ruslardan isə heç danışmağa dəyməz. Orхan Güneyli olaylar