Contact Us

SON XƏBƏRLƏR

Araz Əzimov: Gürcüstanda baş verən hadisələrdən iki nəticə çıxır

2021.10.20, 07:36
Araz Əzimov: Gürcüstanda baş verən hadisələrdən iki nəticə çıxır

Gunaz.tv
Araz Əzimov: "Birincisi, regionda stabillik sual altındadır" -Eyni zamanda bölgədə separatçı hərəkatlar fəaliyyətini genişləndirir 6_101008.jpg "Azərbaycan Avropa İttifaqını regionda sülhün bərqərar olmasında mümkün vasitəçi hesab etmir". APA-nın məlumatına görə, bu fikirləri Azərbaycan xarici işlər nazirinin müavini Araz Əzimov Avropa Siyasəti Mərkəzinin Brüsseldə keçirilən konfransında çıxışı zamanı deyib: "Avropa İttifaqı - ölkələrin güclü iqtisadi və siyasi birliyidir. Amma bu ittifaq xüsusilə bu dəyişkən vəziyyətdə hələ lazımi səviyyəyə çatmayıb. Avropa İttifaqı birbaşa tərəf kimi çıxış edə bilməz. ATƏT-in Minsk Qrupunda Avropa İttifaqının üzvü olan bir çox ölkələr təmsil olunur və biz onların mövqeyini diqqətə alırıq. Bizə Avropa İttifaqının mövqeyi beynəlxalq münasibətlərin iştirakçısı olaraq lazımdır, amma hesab etmirik ki, bu ittifaq Minsk Qrupu çərçivəsində mümkün tərəfdaşdır". Avropa İttifaqının Cənubi Qafqaz və Mərkəzi Asiya üzrə xüsusi nümayəndəsi Piter Semnebi bildirib ki, Avropa İttifaqı Minsk Qrupunun fəaliyyətini dəstəkləyir: "Bununla belə Avropa İttifaqının ATƏT-in Minsk Qrupuna tam hüquqlu üzv qəbul olmasına dair planlarında heç bir dəyişiklik yoxdur". Semnebi qeyd edib ki, Avropa İttifaqı Gürcüstan baş verən son hadisələrin timsalında atəşkəs haqqında saziş imzalanmasında siyasi iradə nümayiş etdirməyi və son dərəcə sürətlə müşahidəçi missiyası formalaşdırmağı bacardığını isbatlayıb. Buna cavab olaraq Araz Əzimov bildirib ki, Avropa İttifaqının müşahidə missiyasının statusu aydın deyil: "Əgər ruslar oktyabrın 10-na kimi bufer zonalardan çıxsalar, müşahidəçilərə mövcud anklavlara daxil olmaq icazəsi verilməyəcək. Düşünürəm ki, ruslar bufer zonaları tərk edəcəklər, çünki onların bu ərazidə qalmağa heç bir marağı yoxdur. Atəşkəs haqqında sazişin altı maddəsi bu və ya digər formada yerinə yetiriləcək, bəs bundan sonra Cənubi Osetiya və Abxaziyada nələr baş verəcək?". XİN rəsmisi bildirib ki, Gürcüstanda baş verən hadisələrdən iki nəticə çıxır: "Birincisi, regionda stabillik sual altındadır, eyni zamanda bölgədə separatçı hərəkatlar fəaliyyətini genişləndirir". Araz Əzimov oktyabrın 15-də Cenevrədə Cənubi Osetiyaya dair keçiriləcək diplomatik danışıqları daha vacib sayır. O, Gürcüstan və Ukraynadan fərqli olaraq Azərbaycanın Avropa İttifaqına üzv olmağa can atmadığını deyib. O, rəsmi Bakının "NABUCCO" layihəsinə münasibətini bir daha açıqlayıb: "Azərbaycan bu layihəni hələ də dəstəkləyir, amma biz layihənin taleyindən narahat olan yeganə tərəf olmamalıyıq". sherg

SEÇİLMİŞ XƏBƏRLƏR

Çox oxunanlar