Bu gün(10 oktyabr) MDB-nin sammitidir

SON XƏBƏRLƏR

Bu gün(10 oktyabr) MDB-nin sammitidir

2021.10.20, 07:36

Gunaz.tv

Bu gün MDB-nin sammitidir

İqtisadi və humanitar əməkdaşlığın perspektivlərini müəyyənləşdirən 19 məsələnin müzakirə ediləcəyi zirvə toplantısında Azərbaycanı baş nazir Artur Rəsizadə təmsil edəcək Oktyabrın 10-da Bişkekdə MDB Dövlət Başçıları Şurasının iclası keçiriləcək. İclasda Birliyin inkişaf perspektivləri müəyyənləşdiriləcək. MDB İcraiyyə Komitəsinin məlumatına görə, iclasın gündəliyinə Birliyin təhlükəsizliyinin və işinin optimallaşdırılmasının təmin edilməsinə yönəldilmiş iqtisadi və humanitar əməkdaşlığın perspektivlərini müəyyənləşdirən 19 məsələ daxildir. “2020-ci ilədək olan dövrdə MDB-nin iqtisadi inkişaf strategiyası layihəsi”, 2009-cu ildə MDB-nin üzvü olan dövlətlərin qarşılıqlı fəaliyyətinin sahəsi kimi energetika sahəsində əməkdaşlığın müəyyənləşdirilməsi məsələləri, “İnformasiya təhlükəsizliyinin təmin edilməsi sahəsində əlaqələr konsepsiyası və onun 2008-2010-cu illərdə reallaşdırılması tədbirləri”, Böyük Vətən müharibəsində Qələbənin 65-ci ildönümünün qeyd edilməsinə dair əsas tədbirlər planı və digər məsələlər müzakirə ediləcək. Birliyin beynəlxalq təşkilat kimi möhkəmləndirilməsi məsələsinə baxmaq da planlaşdırılır. Dövlət başçıları 2009-cu ili Birlik çərçivəsində Gənclər ili elan etmək təşəbbüsünü də müzakirə edəcəklər. Sammitdə Azərbaycanı baş nazir Artur Rasizadə təmsil edəcək. Nazirlər Kabineti mətbuat xidmətinin məlumatına görə, Artur Rasizadənin rəhbərlik etdiyi nümayəndə heyəti oktyabrın 9-da Qırğızıstanın paytaxtı Bişkekə gedib. Qeyd edək ki, oktyabrın 9-da Bişkekdə MDB Xarici İşlər Nazirləri Şurasının növbəti iclası keçirilib. Azərbaycan xarici işlər nazirinin müavini Xələf Xələfov iclasda iştirak edib. İclasın gündəliyinə 2009-2011-ci illərdə qanunsuz miqrasiya ilə mübarizə sahəsində MDB ölkələrinin əməkdaşlıq Proqramı, təhlükəsizlik, terrorizmlə mübarizə ilə bağlı saziş layihələri daxil edilib. Şuranın iclasında MDB dövlətləri arasında nəqliyyat sahəsində əməkdaşlıq, təhlükəsizlik, mədəniyyət və humanitar sahələrə dair mühüm sənədlərə baxılıb, Gürcüstanın MDB-dən çıxmasının təşkilati və hüquqi tərəfləri də müzakirə edilib, Qafqazda vəziyyət diqqət mərkəzində olmuşdur. Ümumiyyətlə, iclasda 26 məsələ nəzərdən keçirilib. Şuraya rəhbərlik Qırğızıstandan Moldovaya keçib. İclasda həmçinin MDB dövlət başçılarının bu günkü zirvə görüşündə baxılacaq sənədlərin layihələri də müzakirə edilib. /ANS PRESS/

GUNAZ.TV

SON XƏBƏRLƏR