Diyarbəkirdə polislərə qarşı terror aksiyası törədən terrorçulardan azı 2-si yaxalanıb

SON XƏBƏRLƏR

Diyarbəkirdə polislərə qarşı terror aksiyası törədən terrorçulardan azı 2-si yaxalanıb

2021.10.20, 07:36

Gunaz.tv

Diyarbəkirdə polislərə qarşı terror aksiyası törədən terrorçulardan azı 2-si yaxalanıb Diyarbəkir – APA. Oktyabrın 8-də Türkiyənin Diyarbəkir şəhəri yaxınlığında polislərə qarşı terror aksiyası törədən terrorçulardan azı 2-si yaxalanıb. APA-nın “Anadolu” agentliyinə istinadən verdiyi məlumata görə, yaxalanan terrorçuların dindirilməsinə başlanıb. Xatırladaq ki, polis avtobusunun PKK terrorçuları tərəfindən atəşə tutulması nəticəsində 4 polis və 1 mülki şəxs həlak olmuş, 18 nəfər yaralanmışdı. apa -------------------------------------------------------------------------- Diyarbəkirdə baş verən partlayışda 6 nəfər ölüb, 21 nəfər isə yaralanıb

Diyarbəkir-APA. Bu gün Bakı vaxtı ilə saat 19.00 radələrində Türkiyənin Diyarbəkir bölgəsində PKK terror təşkilatının polisləri daşıyan avtobusa etdiyi basqın nəticəsində 6 nəfər şəhid olub, 21 nəfər isə yaralanıb. APA-nın xəbərinə görə, şəhid olanlardan 5-i polis, biri isə maşının sürücüsüdür. Yaralılardan isə 16-sı polisdir. Hadisə Diyarbəkir- Silvan yolunda baş verib. Şəhər mərkəzindən 10 kilometr aralıda yerləşən Polis Məktəbindən tələbələri şəhər mərkəzinə gətirən avtobusa Diyarbəkirin girişindəki Seyrantəpə prospektində basqın edilib. Prospektin kənarında gizlənərək, pusqu quran terrorçular polis maşınını atəşə məruz qoyandan sonra avtobusa bomba atıblar. Hadisə nəticəsində polislərin də terrorçuları susdurmağa çalışması ərazidə atışmaya səbəb olub. Nəticədə 6 nəfər şəhid olub, 21 nəfər isə yaralanıb. Yaralılardan beşi təsadüfən atışmanın baş verdiyi ərazidən keçən mülki şəxslərdir. Hadisədən dərhal sonra ərazini nəzarətə götürən hüquq-mühafizə orqanları şəhərdə ciddi təhlükəsizlik tədbirləri həyata keçirirlər. Terrorçuların ərazidən qırmızı maşınla qaçdıqları öyrənilib. Onların qaçarkən buraxdıqları xeyli sayda silah-sursat da götürülüb. Polis ərazidə basdırılmış və idarə edilən bombaların olması ehtimalı ilə xüsusi yoxlama keçirib. Hadisə yerinə Diyarbəkir valisi Hüseyn Avni Mutlu və polis rəisi Zəki Çatalqaya gəliblər. Polis rəisi məhkəmənin evlərdə axtarış aparma qərarı olduğunu, buna görə də ətrafdakı şübhəli bilinən bütün evlərdə arama aparılacağını deyib. Buna səbəb isə terrorçuların yaxınlıqdakı evlərdə gizlənməsi ilə bağlı ehtimallardır. Hadisədən dərhal sonra isə polis şəhərin Bağlar qəsəbəsində uzaqdan komanda ilə partladılması mümkün olan bir əl bombası aşkarlayıb. Qeyd edək ki, bu il yanvarın 3-də də Diyarbəkirdə PKK-nın törətdiyi partlayış nəticəsində 8 nəfər şəhid olub, 68 nəfər isə yaralanıb. Partlayış orta məktəbin önündə baş verdiyindən zərər çəkənlərin və şəhidlərin əksəri azyaşlılar idi. apa

GUNAZ.TV

SON XƏBƏRLƏR